المندازي

مرحباا

بنات حد يعرف طريقه عمل المندازي؟؟؟؟

؟؟؟؟؟؟؟؟؟؟

هلا الغلا انا اعرفه هذا نوع من انواع الخبز مثل خبز الخمير بس عجينته مختلفه شو ي وطريقه عمله ويسمونه بعد المقصقص لان طريقه قص العجينه مثل المثلثات

طحين وبيض وشويه شكر وزيت وهال شوي وخميره وشويه زعفران وتخلطينه وتخمريه وبس

يسونه في البيت بس ما عرف طريقته ^_^
هو من المطبخ الزنجباري

ونقلته لج من موقع ثاني الطريقه تفضلي

…………………….

المقادير :

1/4 1 كوب دقيق ابيض

2 ملعقة سكر

ملعقى صغيرة خميره فوريه

1/4 ملعقه صغيره هيل

وشوي زعفران

1/2 كوب ماء

3 ملاعق زيت

بس اذا حابه الطعم يكون فيه نكهه خاصه خليها ملعقتين زيت و شوي زبده مع سمن عربي >> اختياري بس للنكهه

الطريقه :

تعجن المقادير كلها ابتداءا بالدقيق والهيل والزعفران والخميره والسكر ووالزيت ثم الماء

تعجن جيدا لمدة 5 دقائق تقريبا

بعدين نأخذ جزء من العجين ونكوره ( يعني نشكل على شكل كوره )

ونفرده على شكل دائره او مربع حسب خبرتكم بالفرد

بعدين بالسكين نقطع الدائرة الى اربع اقسام ( نقطعه من المنتصف طبعا )

وتعطينا اربع مثلاثات >> مثل السمبوسه

وبعد ما نخلص كل العجين

نحطهم في صينيه كبيره ونغطيه ..ونخليه يختمر تقريبا حدود الساعه

وبعدها نقليه بزيت غزير الين يصير لونه بني

وبعيدها تأكلونه بالهناء والعافيه

طبعا تقدم ساخنه او بارده مع الشاي

بالعافيه عليج

الله وايد غاوي ، امايه تسويه فديتها ،
راويت بشكارتي الطريقة وبشوف شو بتسوي
تسلمين (ميثاء من دبي)

اول مره اعرفه جنه سمبوسه

مشكورين