فطيرتي المفضله يبت لكم الطريقه عشان الكل يجربها

خواتي انا يبت لكم طريقة فطيره بالبيض وايد حلوه
ابدا في مقادير العجيبة
-كاس دقيق ابيض
– 1ملعقه طعام كبيره سكر
– 3 ملعقه طعام حليب بودرة
– 1 ملعقه طعام خميره فوريه
– اخيرا ماء للعجن
هالكمية تكفي حق 4 اشخاص
بس اللي في الصور ضعف الكميه….الضعف اوك

الطريقه تعجنين المكونات كلها مع بعض واتركيها ساعه تقريبا للين تخمر……….

وللحشو ياحلوين: 2 بيض مسلوق+جبن مثلث اي نوع حسب الرغبه وممكن تستخدمين حبن سائل+ بصل + طماطم + فلفل حاااااااااار حسب الرغبة وممكن تستغنين عنه

تقصين البصل والطمام قطع صغيرة وتحمسينه على التاوه وعلى نار هادئه..وعقب تحطون الفلفل الحار(انا احب اي شي حار ف انا احط 3 فلفل حار) اوكيه جذا

الحين بحط لكم الصور
هذا البيض

[IMG][/IMG]

وهذا الحشو عقب ماستوى
[IMG][/IMG]

الحين عقب ساعه اتيبن العجينه وتخلينها جزئين مب متساويات وحده اكبر عن الثانيه

وعقب افردي العجينه الكبيره وحطيها في صينية الفرن
[IMG][/IMG]

وعقب اتيبن الجبن المثلث حق كل صينيه حبتين جبن وتحطينه جي على العجينه (بس الجبن يكون ذائب)

[IMG][/IMG]

[IMG][/IMG]

عقب اتيبني الحشو وتحطينه على فوق الجبن جذيه [IMG][/IMG]

الحين اتيبن 2 بيض وتعصينه وتحطينه فوق الحشو جذيه
[IMG][/IMG]

نحن جي خلصنا الحين اتيبين القطعه الثانيه وتفردينها على العجين يعني تغطينها وتيبين السكين وتسوين فيها فتحات من فوق مثل اللي في الصوره [IMG][/IMG]

الحين ادهنيها من فوق بحليب ابوقوس او بصفار بيض
ودخليها الفرن ونضجوها وعليكم بالعافيه فديتكم
[IMG][/IMG]
اللي اتجرب هالطبخه تقولي شو رايها في الطعم

هي صح اللي ماتبا تحط خميره عشان ريحة الخميره تكون قويه تحط نص خميره ونص بيكن بودر
وسلامتكم

شكلها عجيييب … و فكرة حلوة حق ريوق … يبالي صينية حق الفطيرة

تسلمين اختي

نسيت اقولكم مع العجين تحطون 2 ملعقه سمن

ســـــــــــــــــــــــــــــــــــــــــــــــــ وري

يعطيج العافيه اختي

مشكوره الغاليه علي الاكله

مشكوره ان شاء الله نجربها