بغينا شوربات ريجيم

السلام عليكن ورحمة الله وبركااااااااته
شحالكن عساكن بخير
بلييييييز البنات الي عندها شوربات ريجيم او اكلات ريجيم حتى لا تبخل علينا تحطلنا الوصفات
وانا بخبركن شي امس بديت برجيم اليح الي هو البطيخ وقالولي ينزل ثلاثه كيلو ف ثلاث ايام
واليوم بيكون ثاني يوم..ولو نفع ويايه بخبركن عنه بوزن بالجمعه وبعطيكن النتيجه

يعني تاكلين بس بطيخ مب شيء ثااني حتي من تنشين الصبح

هيييييه

أنا دوم متعودة اسوي شوربة خضار فالبيت …. و طريقتها واايد سهلة .. هاتي تشكيلة منوعة من الخضار لي تحبينها مثل : البطاطا ,, الكوسا ،، الجزر ,, البروكولي ,, البصل ,, الفلفل الرومي ,, الباذنجان ,, الشمندر ,, ….. إلخ
و لي ينأكل ني أخليه ع صوب .. ولي لازم أطبخه أفوره في جدر .. و عقب أحطه في الخلاط مع باقي الخضرة النية مثل الفلفل و الطماط و البروكولي …إلخ .. و من ينخلطن عدل و يندمجن مع بعض أردهن في الجدر و أحرك على نار متوسطة .. و أضيف البهارات (( أي نوع تفضلينه )) عن نفسي ماأكثر واايد .. يعني شوية فلفل أسود و رشة ملح خفيفة جداً …. و بالعافية .. ربي يوفقج في الريجيم و توصلين للوزن لي تتمنينه