قهوه الشعير

كيف حالكم بغيت استفسر عن قهوه الشعير … كيف يسونها ؟؟؟؟ وشو يستخدمون الشعير العادى ولا شعير معين

للرفع

للرفع

مشكورات الغلا ع الرفع

المقادير..

حبوب الشعير (خاص يشترى من العطار)

((مو شعير الحمام اللي ياكله ….الفرق بينهم شعيرنا هذا أكبر حجم من شعير الحمام والبهائم..))

بعض الشعير منقى ونظيف وبعضه لا…اذا فيه شوائب نقيه مثل اللي ظاهر

نحمصه بالحماصة او بيدك عادي على نار هااااااااادية ..انا حمصته بالحماصة الخاصة..

وشوفي الفرق في اللون بعد التمحيص…يكبر حجمه شوي

بعد مايبرد اطحنيه..

واطبخيه زي القهوة العادية..
وحطي بالدلة شوي من الزنجبيل(لتكمل الفائدة) والزعفران والحليب أو كوفي ميت …اذا تبين هيل كيفيك لكن لاأنصح به لمن يعاني من أمراض المعدة والقلولون..
قهوة الشعير هي قهوة تعويضية لمن يعاني من حرقان في المعدة او القلون او القرحة ,,

تعرفون فوائد الشعير جمه وعظيمة وتشربين منها بدون ماتملي وماتحسسك أبد بالثقل مثل ماتسويه القهوة العربية..

مشكووووره الغاليه …. انج تعبتى ودورتى … نرده لج فى الافراح انشاء الله