اليوم يبت لكم شطة حاااارة من صنع إيدي دايماً أسويها وما أستغنىي عنها في الأكل طعمها لذيذ وحامض
المقـــــاديـــــر :
1: فلفل أخضر حار كيلو أو حسب الكمية إلي تبغينها
2: خمس حبات فصوص ثوم أو حسب الرغبة
3: عصير ليمون معصور أو خل جاهز ليمون حسب المتوفر
4: ملح
5: فلفل أحمر بودرة حسب الرغبة
6: سنوت حب
7: زيت نباتي + زيت زيتون
الطـــريقة :نيب كاس الخلاط ونحط فيه الفلفل الأخضر الحار والملح وعصير الليمون وحبتين ثوم أو أكثر إذا حبيتو بس مب وايد
وبعدين نيب الجدر ونحط الزيت العادي النباتي ويوم بيسخن نحط عليه السنوت الحب لين يتغير لونه
ونحط الثلاث حبات الثوم الباقيه نقطعة شرايح ونغليه مع السنوت لين يصير بني وتظهر ريحته حلوة
نحط الخلطة إلي في كاس الخلاط الفلفل ونتم نخلط لين يتغير لون وإذا حسيتو الزيت شوي زيدو
وبس ونحطة في غرشه وأو علبة بلاستك وبعد ما يبرد نحط عليه زيت الزيتون ونحطة في الثلاجة
ملاحــــظة : يوم بتاكلين منه ونقص زيت الزيتون ردي حطي مرة ثانية كل ماتاكلين منه ومشي الغطاه من قطرات الماء علشان الشطة ما تخترب بسرعة ..
وهاي صورة الشطة وأسمحولي .. جرببوه تراه لذيذ
•°o.O ( وإن كان في الأرض فأخرجه) O.o°•
•°o.O ( وإن كان بعيدا فقربه ) O.o°•
•°o.O ( وإن كان قريبا فيسره ) O.o°•
•°o.O ( وإن كان قليلا فكثره) O.o°•
•°o.O ( وإن كان كثيرا فبارك لنا فيه) O.o°•
مشكوره يا الغاليه