خواتي مالي من بعد الله إلا إنتن..
ولدي عمره سنه و شهرين و ألحين من أسبوعين ما طايع ياكل شي مول، بس يشرب الحليب… كانت قبل شهيته زينه و وزنه أكبر من عمره بكيلو… لكن ألحين ضعف… الوزن ما همني اللي هامني صحته… لازم ياكل عشان ما يستوي له فقر دم … وديته العيادة قالو ما فيه شي لا كحه و لا حمى و لا زواع و لا بلغم !!!
إنزين ليش ما ياكل… عطوني فيتامينات … وبس …
حاولت أخليه من الصبح الساعه سبع لين الظهر الساعه 2 ما أرضعة حليب عشان ياكل و لكن كل ما أحطي اللقمة فحلجة طلعها …
دخيلكم دخليكم اللي عندها حل تخبرني … الله يفرج عنكم همومكم و يعطيكم الصحة و راحة البال
اقري ع ولدج دووووووووم وعليج بالرقية الصبح والمسا وحصني الولد وان شاءالله ماعلية شر
اهم شي حاولي تعطينه حلول غصب ويحتل وانتي والخير رباعه اذا فيه ارياح واذا مانفعة الحلول اكيد مابيضرة والحلول زين كل فترة تحسينه موب بخير عطيه
وطمنيني عنه
اهم شي حاولي تعطينه حلول غصب ويحتل وانتي والخير رباعه اذا فيه ارياح واذا مانفعة الحلول اكيد مابيضرة والحلول زين كل فترة تحسينه موب بخير عطيه
هو صغير ما بيضره الحلول ؟ إنزين إذا عادي شو الكميةاللي أحطي له …يعني أحطي خاشوقة حلول و أخلطه فماي فالمرصعة لين رقم 5 ؟
وخلي الاكل دوووم محطاي جدامه ونوعيله .. وسويله كوكتيل ف البيت .. والله يعافيه ياااارب .