خواتي ياليت لو تقدرون تفيدوني انا ابا اسوي تقويم بس اخااااف من دكتور الاسنان
اللي تعرف عيادة الريف الي براس الخيمه ومسويه عندهم تقويم تخبرني شو الاسعار وكيف النتيجة كانت ؟؟
انا اسناني صغيره ويوم ابتسم ماتظهر على برع يعني ماعرف كيف بس اول ضرسين يظهرون ههههههههههههههههههههههه شرات الارنب مادري لو وضحت الفكره ولا ههه المهم ابغي ارتبهن واعدلهن بحيث يوم ابتسم تكون لي ابتسامه شرات الناس الاسنان اللي فوق تظهر كامله جي يعني ف سوالي هو لو سويت تقويم بتظهر اسناني ع برع مثل مابا ؟ ولا ها عيب ف اسناني ومامنه فاايده
وشو النتيجه اللي ممكن احصلها من التقويم ؟؟؟ يعني اللي مسويه تقويم تخبررررررني بالتفصيل بليييييييز ويزاكم الله خير
هالموضوع حطيته في قسم الصحه بس ماحصلت رد ياليت تردون عليه
وقالي الدكتور علاجج لمدة سنتين، لكن قبل ما اكمل سنه يعني 11 شهر بالضبط
خلصت علاجي اولا لان سني (عمري) كان مناسب جداً وافضل سن لعلاج التقويم
وثاني شي الدكتور وايد شاطر ما شالله، وثالثا ما كنت أطوف اي موعد
يعني شهريا اروح وحتى كنت اسمع كلام الدكتور شطوره كنت هههه
من جي افتكيت بسرعه والنتيجة طلعت حلوووه والحمدلله
ومافي اي شي يخوف من ناحية التقويم بس اهم شي الدكتور وشطارته
وخبرته في مجال التقويم..
وعن نفسي الدكتور اللي تعالجت عنده في عيادة سني اللي في الشارجه
لكن الحين طلع من سني واسس له عيادة ثانيه وانا للحين اروح له بين
فترة والثانيه اسوي جيك اب
لاني ابا اسووووووي تقويم بس اخاااف يعورني هي وصح قالولي لازم تروحين اول ب اووول ويارب يسهل عليه 
ويزاج ربي الينه
موفقه ان شاء الله و أنا بصدد إني أحط تقويم بإذن الله
بس مب فـ راس الخيمه .. الله يوفقج
^
اميييييييين اليميع ياارب بس بليز ابا بعد معلومات تفصيليه
انا اسناني متجدمات والظروس الجداميه ع بعضها البعض ،، الحمدلله ركبت تقويم اكيد يعور فالبدايه ومع كل شد بعد يعور ،، جلعت 4 ضروس والحين اتريا يردون وتسكر الفتحات ،،،
كنت متعقعده من اسناني بس الحين الحمدلله في تغير كبير والكل لاحظ الحمدلله رب العالمين ،، انا اتعالج فعياده خاصه عندنا فالعين الدكتوره شاطره وتعاملها اوك والحمدلله مواعيدي ع الشهر بس هالشهر ماسرت لان دوامي وامتحانات وغيره
بس يلا ركبي وتوكلي صدق بتتغير نفسيتج هيه ترا بتضعفين وايد هههه