انا اعاني من هالمشكلة من اول مانزلت الدورة 
وايد اييني ويع قووووووووي يوم اتيني اعراض الدورة لكن قبل كان اييني الويع قبل الدورة واول يوم تنزل لكن الحين الحمدالله يوم تنزل ارتاح شوي صح فيه ويع لكن مو بقوة الويع اللي يكون في الاعراض جربت كل شي اخفف هالويع 
من جرفة ومطارة وحبوب مافي فايدة لازم هالويع انتوا خواتي شو تسون عشان تخففون الويع ياريت تخبروني تجاربكم وكل وحدة شو تسوي عل وعسى نفيد ونستفيد خواتي 
يوميا تسوين دله حبة حمراء وتشربين منها طوال اليوم الاول
وثاني يوم جهزي دلة الحبه الحمراء واشربي منها طول اليوم
ويوم الدوره الاول بعد جهزيها واشربي منها طول اليوم
وثاني ايام الدوره وثالث ايام الدوره ورابع يوم
حاولي ع الاقل تشربين منها اكثر عن 7 اكواب ع فترات متقطعه مش مضره خواتي تنفع والنافع الله
اليك مقادير المسمونـه او الحريروه ( بالخليجي)
مقدار فنجان قهوه ( حبة حمراء )
مقدار فنجان قهوه ( سكر )
ماء قياس الدله مرتين – الدله لي بنصب فيها الحبه الحمراء قياسها ماء مرتين
توضع ها المقادير في جدر الطبخ وتترك ع النار مدة ساعه بالضبط
بعد ساعه نضيف عليها كل من :..
نصف ملقعه صغيره فلفل اسود
نصف ملقعه صغيره كركم
نصف ملعقه صغيره جرفه
نصف ملقعه صغيره هيل
وحليب حسب الرغبه ( انا احط حليب ابو قوس )
ويترك ع النار مدة 10 دقايق فقط
ثم يصب في الدله المجهزه ويمكنك الشرب منه طوال فترة ايام الدوره وقبلها
منقوووول
بخصووص الرد انا صغييره وما اعرف اسويها
ومادري مابي اتعب مامااتي تسوييلي 4 ايام حبه حمره
الله المستعاان ..
سبحانك اللهم وبحمدك استغفرك واتوب اليك
من يوم ما ربيعتي بتني عنها وأنا أدعي للدكتور اللي اخترعها بطول العمر إذا حي وبالرحمه اذاكان ميت..
الدورة كانت عذااااب..كنت اتقطع ن الألم لين أرجع كل اللي في بطني وعقب أرتاح شوي..عسى هاييج الأيام م ترد آمين..
أول ما أحس بالألم أرو أكل لي أي شي..تفاحه أو خبز المهم لازم تاكلين وعقبها أخذ الحبه وأحط تحت ظهري مطاره وأرتاح ..20 دقيقه انتي شرااات الخييييييل^__^
الحمدلله بالنسبه لي هالدوااااااء نعمه..