نصحني الأطباء بعمل (( أطفال الاأنبيب ))
فما رأيكن ؟؟
ومن جربت ذلك ؟؟هل تنصحوني بعمل أطفال الانابيب
ومن جربت أطفال الانابيب في مستشفى توام بالعين ؟
وهل تعرفون طبيب معين تنصحوني به
رجاءا من لديها فكره عن هذا الموضوع تساعدني
وشكرا 
ودعواتكم لي بالذرية الصالحه
وبالنسبة لأطفال الأنابيب ما شالله وايدات سوها ونجحت معاهم
بس انتي شوفيج ليش تبين تسوينها
فقد عملت عملية و لم تنجح رغم انها نجحت مخبريا و زرعتها لمدة اسبع و بعدين فشلت
و اليوم ثاني رمضان رايحة مستشفى بالليل اكشف استعدادا للتجربة الثانية و هدا طبعا بعد راحة سنة
و كل شيء بامر رب العالمين
و الله يوفقك و يرزقنا الدرية الصالحة
نصحوني الاطباء باطفال الانابيب لان الحيوانات المنوية عند زوجي قليلة !!
السيدة سلوى ،،،،،،،، أم سلطان ،،،،،،،،،،، شكرا ع الرد
و دعواتكن
وبغيت اسأل للي سوت العملية في مستشفى توام
انا عندي موعد آخر شهر واحد
لكن ما ادري هل بتكون على طول العملية ولا شي اجراءات قبل وبعدين يعطون موعد للعملية ؟؟
اللهم اميييييييييين
انا سويت انابيب 4 مرات …واحده منهم في مستشفى توام في العين …
حاليا ما عندهم غير دكتور واحد الله يعين من الزحمه والانتظار …انا كنت اسير 7 الصبح واخلص 12 الظهر …..
مادري من زمان ما سرتلهم …يوم كنت اسير قبل اول شي تنتظرين ينادون اسمج وبعدين تروحين غرفة السونار وهناك في ممرضه تاخذ صور السونار وبعدين تنتظرين لين يناديج الدكتور ….
اول شي اذا الدوره مش منتظمه بيعطيج حبوب تنزل الدوره وبعدين لما تنزل الدوره بيبدأ يعطيج إما حبوب كلوميد او ابر على اساس تكبر البيوضات ….<< مادري انا لأن البويضات عندي ما تكبر بس مادري في حالة بويضاتج عادي تكبر مادري يمكن ما يحتاج يعطونج شي يكبرها ….
والمهم بعد اسبوع بترجعين وتسوين سونار علشان يشوف البويضات وصلت للحجم المطلوب ولا لا ..
واذا كانت البويضات اوكي ….بيعطونج ابره يسمونها الابره التفجيريه واليوم اللي بعده بيقولج تعالي علشان عملية سحب البويضات …وهالعمليه يكون التخدير كامل ….وبنفس اليوم ياخذون عينه من الزوج….
واليوم اللي بعده او بعد يومين بيقولج تعالي علشان عملية ترجيع الاجنه …وهذي ما تاخذ 5 دقايق بدون تخدير بس الدكتور هو اللي يسويها ….انا على ايامي كانت دكتوره مش دكتور…
وهالعمليه ما تؤلم ابدا ما بتحسين بشي ….ويخلونج مستلقيه ساعه او اكثر وعقب تروحين البيت …
وبس اي استفسار انا حاضره …وسمحيلي اذا ما غلطت في شي او نسيت شي لأني من فتره طويله ما سويت عملية انابيب يمكن من سنه …
والله يرزقج يارب الذريه الصالحه ويرزقنا جميعا …