شو أسباب الطلق الصناعي ؟؟

مرحبا خوااتي …

حبيت أستفسر عن أسباب الطلق الصناااااعي لاني ولادتين سويت فيهن طلق صناعي والثالثة يعلم ربي شو بيستويلي..

لاني وااايد أفكر ومتروعه من هذا الشي لاني خلاص تعبت من الويع للي يستويلي من الطلق الصناااعي.. وللي يستمر الويع لكم شهر خاصا في منطقة الظهر..

فللي عندها معلومات عن الاسباب لإستخدام الطلق الصناعي وماهي أثاره؟ تفيدني..

لاني أخاف يتعود جسمي على الطلق الصناعي .

ولله يدري بذيج الحاله الواااحد يوم تبي تطلع روحه..

أنتظر المعلومات المفيدة..

ما شاء الله عليكم ما تعرفون عن الطلق الصناعي..!!

هلا الغالية
انا اعرف انه الطلق الصناعي يعطونه اللي تتأخر عن موعد ولادتها
و اللي يرتفع عندها الضغط وما ينزل ،، يسووون لها طلق صناعي عسب النونو ما يصييبه شي
(( انا ربيعتي سوولها طلق صناعي قبل موعد ولادتها بشهر !!!!!! لانه الضغط ارتفع عندها وايد ))

اتمنى اكوون فدتج
والله يهون علييييج وعلييي يارب

الطلق الصناعي سلمكم الله.. هو لما الوحدة تكون موصل و مب طايع اييها الطلق الطبيعي.. او يكون الطلق مالها بارد.. ف يقومون و يزودون الواحد بالطلق الصناعي.. و هذا ما فيه تعويد.. هذا شي عاااادي.. مب مصيبة ولا انه شي عووووود.. لا تخافين و اتوكلي على الله.

ليش ما تمشين على البحر.. واااااااااايد زين,, كل يوم لو نص ساعة امشي.. مفيد لعضلات الحوض و يقويها.. ممتاز.. جربي و ان شا الله ما بتحتاجين الطلق الصناعي

الطلق الصناعي كيف ما قالت الاخت المقهورة الله لا يقهرها

انه عبارة عن محلول يحطونه في المغذي حتى يسرع الطلق او بالاحرى يسرع حركات المهبل و الرحم عند المراة اللي ما عندها طلق طبيعي

او في حالة نزول ماء المشيمة و مافي لا اتساع و لا وجع

وهذا الشيء بيؤذي الجنين و ممكن يؤذي الي الوفات الله لا قال

و اختي لا تخافي و لا ترتعبي هذا شيء عادي

انا دخلت المستشفى من الساعة 12 الظهر وماعندي وجع و نفس الشي حطوا لي طلق صناعي و للساعة 12 بالليل مافي غير الوجع اللي يسببه الطلق الصناعي كل ما اقوم من السرير و يشيلونه لي يروح الوجع و اصير عادية

و الوجع الطبيعي اصلا بيختفي لما تكون الوحدة خايفة و متوترة و اعصابها مشدودة و هذا شيء عادي

الله يسهل لك ولادتك و يساعدك و يرزقك الذرية الصالحة

خواااتي الغاليات أم عبد العزيز والمقهورة وFarouha

مشكورااات على مروركم الطيب..

إن شاء الله ما أربي هذي المره بالطلق الصناااعي ..
لاني الدكتوره جان أتجولي في ولادتي الاوله الطلق عندج بارد وفي الثاني جالت الطلق عندج بارد
مع إني أمشي وأتحرك من نص الشهر السابع

على قولة العياييز معوشره ماجله لحم أركاب ..
مع إني ما أحب لحمهن ولا حليبهن ..

الله يستر..

أنا بعد حطولي طلق صناعي لأني تأخرت عن موعدي

ما أدري بلاهم الدكاتره دوم متواكلين ، جنه الدنيا بطير شوو فيها يوم بنعوشر