منو فيكم ربت في مكان غير المستشفى

سؤال غريب صح بس دايما أقعد أفكر إذا ياني الويع وما عندي حد يوديني المستشفى وزادت الآلام فجأة والبيبي يبى يطلع شو بيكون موقفي هاذيك الساعة أعرف ربيعة ربيعتي ربت بالسيارة ما لحقت توصل المستشفى تخيلوا الله لا حطنا في هالموقف يارب

احس موقف محرج ومفرح في نفس الوقت بنت عمي ربت في السياره وصلت المستشفى والبنت تحت رجولها والممرضات محتشرين عليها وليش تصبر وتصير فى هل موقف

انا مامريت بهالتجربه .. لني ماقد حملت الا الحين

بس احيد ريلي امه يابته في السياره ههههه حتى اخوه .. ( شكلها عمتي ماتتحمل )

.
.

وخالتي فديتها ربت في البيت ..

ياها الويع وهي فالبيت وكانو ساكنين في منطقة نائية ..

ومسكينه تمت تدق على ريلها مغلق .. وكل مادقت على حد مايرد … ( مادري شو ياهم هاك اليوم )

جااان تجهز عمرها وفرشت في الصاله فراش وحطت مخدات ,,, و ماشاء الله عليها ربت والله سهلها عليها

مع انها صغيره وماعندها خبره هاك الزود لنه كان المولود الثاني لها ..

طبعا طلع البيبي ولا رامت تسوي شي غير انها تصيح هههههه

سبحان الله اول ماربت بعدها بخمس دقايق ريلها بطل باب الشقه وسمع صوت البيبي

وكأن ربي طرشلها حد .. تخيلو ريلها كان ياييب امه تبات عندهم ..

والحمدلله العيوز عندها خبره .. وقصت الحبل السري , وسارو المستشفى ..

والحين ولدها عمره 7 سنوات الله يحفظه يارب