بنات امانة كل وحدة معرسة تدخل الموضوع ترد علي . ساعدوني

السلام عليكم والرحمة

خواتي المعرسات بغيت اسئلكم شوية اسئلة ؟؟

انا معرسة من سنة و4 شهور ….ولين الحين ماحملت .. ما خليت حد ماسرت له من عيادات .. وكله هرمون الحليب مرتفع .. والله تعبت منه .. الحين اتعالج عند اوراس في الشارجة .. واحس باكتئاب .. الكل يسألني ماحملتي ..ماحملتي ؟ وانا فيني غصة .. انا ما معترضة عتاخر الحمل هذا شي بايد الله .. بس الناس يطفرون فيني باسئلتهم .. هالاسبوع عندي مراجعة عندها .. ما اعرف اتم معاها ؟؟ ولا اوقف علاج ؟؟ احس باكتئاب فضيييييييع..

ونسيت اقولكم عن المصيبة العودة .. ألم الجماع .. لما يجامعني ريلي احس بألم فضييييع .. واول ما يخوز عني يخف الالم ؟؟ هل هذا شي عادي ولا بس انا اعاني منه .. لاني سالت الدكتورة وقالت عادي لانه في بنات رحمهم ضيق .. بس والله مليت من الجماع مرات والله ما اشتهي ريلي ايي صوبي بسبت هالالم

المهم بنات .. حد عانى مثلي .. وشو طرق عشان احمل بسرعة ؟؟؟

الله يوفقكم ويرضى عليكم عطوني نصايحكم ..

هلا الغالية انا كان عندي هرمون الحليب مرتفع بس الحمدلله تعالجت منه بحبوب لمدة شهر بس والشهر الي بعده حملت
لو ماعطوج هالحبوب خبيهم يعطونج
وانا صار لي سنتين ماحملت والحين حامل الحمدلله
واذا عطوج ومانفع يمكن يبيلج عملية بسيطة وتحمين باذن الله
هذا على كلام دكتورتي
بس انا الحبوب مشت معاي

والله يرزقج بالذرية الصالحة الغالية

تسلمين بنت الستكي عالمرور.. والله يرزقني بالذرية الصالحة .. ويرزق المحرومات شراتي

اهم شي النفسيه لازم ماتفكرين وايد

اختي حبيبتي مول لاتفكرين بهالموضوع ..

وحده اعرفها متزوجه من سنتين وشوي وماشالله يوم الله كتب هكي عندها بنوته حلوه

انا مب متزوجه

بس بحكم شغلي القديم في المستشفى اذكر ان الدكتوره كانت تكتب للي ماحملن ايام التبويض

انتي روحي عند اي دكتوره نسائيه وشوفي

انا بنصحج بدكتورتين اعرف انهن شاطرات ماشالله

عندج مستشفى الزهرا دكتوره نفيسه هي صح ماشالله كبيره في السن بس انا اقولج انها شاطره ..

وعندج دكتوره اسمها GILL بس عيادتها خاصه
اذكر انها على البحيره

نفيسه مصريه وجيل هنديه

انصحج بهالهنتين وربي يسهل امورج كلها ان شالله

النفسيه تراها هي اللي تأخر الحمل …

حاولي تنسين الحمل و اشغلي نفسج بأشياء ثانيه .. و عن الناس تراهم ما عندهم شغله

يوم تكونين بنت هااااااه ما انخطبت .. و من تنخطب البنت هااه متى العرس و ان عرست هااه ما حملت … و من تحمل متى بتربي و من تربي .. ما في بيبي ثاني ……………………………… يعني دوامه ما تخلصين منها .. انسي يا بنتي كلام الناس و عيشي عياتج ترى الناس ما همها شي .. و استغلي انه انتي و ريلج بروحكم بيونكم اليهال و ما بترومون تروحون مكان .. حاولا اتسافرون في العيد … و اهم شي لا تفكرين في الحمل لان التفكير هوه اللي يرفع هرمونات الحليب

هلا والله الغالية صح انج مكملة سنة ونص مدة ما اعتقد انها كبيرة عالعموم عزيزتي اذا قالت لج الدكتورة السبب هرمون الحليب مرتفع هذا سبب خذي حبوب مثل ما قالت لج بنت البستكي وان شاء الله تحملين والحين حنا في شهر رمضان اكثري من الاستغفار والدعاء وخاصة في ليلة القدر هذي الليلة عظيمة ………. وعن سالفت الجماع انا اول ما عرست حسيت بهذا الالم ولحد الحين لان هالشي عادي وانا من عرست كملت 6 شهور تقريبا حملت الحمدالله في ثاني شهر من زواجي بس سقت الياهل لاني ماخذي حبوب تثبيت لان معظم الحريم الرحم مالهم مايستحمل او ظهورهم ضغيفة شراتي ….لا تخافين عادي الغالية