كم شهر ترييتي بعد العرس؟؟

كل متزوجه تدش و تخبرنا كم شهر أجلت الحمال من بعد ما عرست ؟؟؟
و شو رايكم؟ احسن الواحد يأجل الحمال كم شهر و لا على طول؟؟؟ و ريلج كان موافق و لا مستعيل يبي عيال؟! هههههه

انا معرسه شهر 7 بس مأجله الحمل لين ما اتخرج و اشتغل كم شهر و ريلي مرات يلعوزني يقول يالله نيب يهال بس بعدين يقول اتغشمر..بس عمتي حاشرتني كل يوم تقولي اول ما تتخرجين احملي.. و انا مسويتلها طااااف ههههههههه

امي و خواتي يقولولي تريي سنه بعدين شويه تاخذين على ريلج و تفهمينه بعدين توهقي على كيفج ههههه

هااااه… انتو شو صار معاكم؟؟؟؟

انا كنت اول سنة بالكلية يوم عرست و سبحان الله ما حملت الا بعد ثلاث سنين لان كانت عندي مشكلة بسيطة في المبايض بس حمدت ربي اني ما حملت وانا ادرس لاني اعرف اني كنت بودر الدراسة الله رحمني وسبحان الله كانت حكمة منه وان اشوف اذا تدرسين اجلي سالفة الحمال لبعد الدراسة احسن

عالاقل الوحدة تيلس ويا ريلها 6 شهور خلاف تحمل .. تكون ستانست فالطلعات وهالسوالف

بس لو الرب كاتب الواحد مايعترض

اممممم انا من اول شهر عرست فيه حملت ووقفت دراستي وقلت بكمل بعدين
بس كملت شهرين وسقطت وضااااع الكورس

والحين يالسه افكر اكمل وابا آخذ الليسن ورحت اسجل من يديد وحملت وماقدر اكمل لانه في حالتي يبالي راحه تامه

سبحان الله اختي لمعة .. الله قدر انج تكملين دراستج و الحمدلله خلصتي و ارتحتي و الله رزقج بالذريه الصالحه.. و انشالله ما تكونين عانيتي من مشكلة المبايض.. انا وايد اخاف من امراض الحريم ، اخاف اروح عند الدكتور حتى، عندي شي اسأل اختي على طول!! زين هندنا دكتوره في البيت =))

القمزية صح كلامج الغاليه.. البنت لازم تستانس جم شهر ويا ريلها تفهمله و يفهمها ..و بعديييين لاحقين ع اليهال =)

و انشالله الله يرزقج بكتاكيت صغار =))

اختي راعية الورد… الله يعينج الصراحه =( تعب الدراسه ويا الحمال بس هاي اللي كان ربنا رايده.. و انشالله تردين تكملين دراستج و تاخذين الليسن و ترتاحين =) و انشالله تربين بالسلامه يا رب

حبيبتي انا كنت ناوية ااجل الحمل وكنت احكي يا رب بعد سنتين او اكثر يعني على السنه الثالثة ييجي البيبي
بسسسسسسسسسسسسسسسسسسسسس جوزي كان من اول شهر بده اني احمل بس انا كنت ادعي اني ما احمل الا بعد سنتين او اكثر شوي عشان نتعود على بعض ونتفاهم اكثر (بس فترة حسيت عدم الخلفة بعدنا عن بعض شوي بسبب الضغط النفسي والعلاج)
لما قعدت 8 شهور ما حملت حكيت بروح اشيك ولما بلشت اتعالج صرت كل شهر اتمنى اكون حامل وسبحان الله يمكن دعائي الي دعيته اول ما اتجوزت كان مستجاب وتاخرت بالحمل وبعد سنتين و3 شهور تقريبا اكتشفت اني حامل

سبحان الله كله بايد رب العالمين وكله باوانه المهم ما توخذي موانع لو ما بدك تجيبي اولاد هسا خليه طبيعي احسن لا يعملك مشاكل لا قدر الله
موفقة

انا من اول يوم زواجي بغت احمل ولحمدلله