خواتي الحريم و الحوامل الكروشات و البنات و البنوتات و كلكن كلكن….
اش حالكم؟
ان شاء الله بخير
أدري الموضوع ما باين من عنوانه…
هع هع هع هع
بس المهم …
اكيد سمعتوا عن الاشعة اللي يسونها للحامل بعد عشرين اسبوع من الحمل
حبيت اسويها
لان عندي موعد بمستشفى حكومي
بس المشكلة:
ما اقدر اروح المستشفى الصبح
لأني اداوم الصبح و صعب اطلع من الدوام
هذا من غير اليلسة لين تلوووووووووووووووع الجبد
أذكر أول مرة رحت المستشفى افتح ملف بعيادة الحوامل
قعدت من الصبح لين 12 و نص او وحدة تقريبا
تعرفون شو سويت
من التعب…
<<<
>>>
نمت على الكرسي
و تسدحت بعد
و غفلت
و ما ادري الا الحريم يوعوني عشان ادخل ع الدكتورة
الحمد لله كنت لابسه نقاب
و إلا بتكون فضييييييييييييييييييييييييييييييييحة
و ما اتمنى تصير الحركة مرة ثانية
لأنها مول مب حلوة موووووووووول
بس ما اعرف ليش كنت في الشهور الاولى دفشه من الخاطر
و ناتي للمهم و السؤال الاهم:
اللي تعرف عيادة بالفجيرة او كلباء او خورفكان تسوي اشعة للجنين
تخبرني و تساعددني
و ان شاء الله… تتيسر امورها
و اللي ما عرست تعرس
و اللي عرست ان شاء الله تحمل و تترس البيت يهال حلوين
و الحوامل ان شاء الله يحصلن مواعيد بسرعة و لا ينامون بالعيادة من الملل مثلي..
و اللي عندها عيال ان شاء الله يعطونها بيت
و اللي عندها بيت ان شاء يعرسون عيالها بسرعة لوووووووووووول
بعد فيه حد نسيت ادعي له
انا جاهزة
حاضرين للطيبين
ادري وايد تفلسفت … عادي سامحوني توني متغدية سحناه و عيش ابيض
بس يالله ساعدوني
الناس للناس
و الله يوفق الجميع
في د فتحية مركز الفجيرة الطبي
وايد يسيرن عندها
![Smile خليجية](images/smilies/smile.png)
الله يدوم الضحكة دوم…
ههههههه
ان شاء الله بخبر ريلي…
بس تدرين انا ما اقصد الاشعة العادية للي يسوونها للحوامل في كل مراجعة
اقصد الاشعة اللي تصور الجنين كامل و تكون بقسم الاشعة مب عيادة النساء…
مشكورة الغالية ع النصيحة…
و الله ييسر لج حملج
و ييسر عليج ولادتج
و يجعله من الذرة الصالحة التقية
آمين
ان شاء الله مشكورة أختي
أنا أراجع عندها يوم اتعايز اروح المستشفى
ا بس ما اعرف اذا عندها الاشعة الثلاثية
آمييييييييييييييين يا رب
و الله ييسر لج امورج حبوبة…
تسلمين