والله يكتب للجميع يارب الحمل ويزقها من حيث لا تحتسب
القصة عني شخصياً علشان الكل يعتبر
انا الدورة مب مضبوطة عندي
عملت الشهر الماضي تليقح صناعي بس للاسف ما نجحت العملية
فقررت اني اسوي رجيم علشان اضعف
واصلا كنت اكل حبوب الرجيم بس وقفت الحبوب من اسبوعين
واستخرت استعملها ولا لا ؟؟
المهم تاخرت الدورة وهي اصلا مب منتظمة قلت بروح ( عيادة سني بالشارجة ) اخليها اسوي لي سونار
واذا ما في حمل راح اخذ حبوب مركز نيورتشن علشان اتبع الرجيم
وقالوا لي سوي تحليل بول علشان نتاكد قلت لا
ما في حمل قالوا سوي علشان نتاكد
قلت بس ياخذون منا فلوس على الفاضي
لان انا عندي مشكلة في المبايض وما يتم الحمل الا بعلاج وتحفيز للبويضة
المهم بعد ما دخلت عند الدكتورة – هندية – تمت تتحرطم علشان ما سويت تحليل بول
وقالت سيري على السرير
رحت وسوت سونار
وقالت لي مدام ما شاء الله فيه حامل
انا انصدمت
وما صدقت
قلت لها : لا مب صدق
قالت : شوفي القلب
قلت : لا بسمع الصوت
سمعتني صوت دقات القلب
وقالت انت خلصتي الشهر الاول وداخلة الثاني
ما صدقت يا خواتي
سبحان الله
اول مرة يصبح الحمل طبيعي
انا عند 2 الله يخليهم
وكل واحد بعلاج
قلت سبحان الله – اذا اراد شيء قال له كن فيكون فسبحان الله رب العالمين
توكلوا على الله يا خواتي يرزق من يشاء وكله بحكمته
الشهر اللي قبلة دفعت ما يقارب 6000 درهم للعلاج وما صار حمل
وهذا الحمل طبيعي ولله الحمد
ادعوكم يا خواتي بكثرة الاستغفار والصدقة والاذكار
والله كنت دائما الصبح اقرا سورة الواقعة اللي يقرئها الله يكتب له الرزق اياَ كان
ما صدقت رحت عند دكتورتي اللي اتعالج لها دائما جوان مراد
والحمدلله طمنتني وقالت كل شيء اوكي
بس سوت لي تحليل بول
وقالت لي البروتين مرتفع عندج شوي
اشربي ماي وااااااااااااااااااايد
قلت يمكن من حبوب الرجيم لان وااايد كانت اسوي لي جفاف
وكنت اشرف شاي اخضر وعصير جريب فروت
بس اللي عندها مرت بنفس المشكلة يا ريت اطمني وتقول لي اي شيء تعرفه
واكون شاكرة لكم مجددا
والله يرزق الجميع
تستاهلين كل خير،، الله يثبته لج ويتممه على خير يااااارب
هالله هالله بعمرج وانشالله اتعدين الحمل عخير…
الله يرزقني ويرزق كل محروم
الله يثبته لج حملك ويتممه على خير يااااارب
تستاهلين اختي والله فرحت لك من كل قلبي
الله يثبة لج حملك ويتممه على خير يااااارب