افيدوني الله يخليكم اللي عندهم الخبرة او المعرفة اذا كان حمل او لا

هلا الغاليات بدش فالموضوع انا كنت اتعالج عسب احمل بالحبوب وقالت لي الدكتورة ان يمكن راح يصير حمل مع هالدواء باذن الله تعالى بس لازم اواضب عليه الحمدالله واضبت عالدوا كملت شهر و شي قررت اروح العمرة بس قبل مااروح مافكرت اسوي تحاليل من الفرحة المهم رحت يلست 10 ايام تقريبا في اواخر الايام حسيت بتعب و ارهاق شديد مااهتميت وعلى فكرة كنت نفس الوقت اخذ حبوب منع الحمل وحتى حبوب العلاج للحمل المهم قلت يمكن هالتعب من السفر و تغير الجوي المهم في وحدة من هالحريم الكبار في السن شافتني و قالت لي انج حامل ماصدقتها لان قلت كلمرة يوم احس بهالاعراض يوم اسوي تحاليل مافي شي فنشت المهم رجعت الامارات بالسلامة كنت احس بويع الدورة نزلت الدورة لكن بعدني كنت احس بويع الدورة اسفل البطن المهم الويع قام يزيد اكثر و اكثر لين ماقمت اصيح و ماقدرت انش من الفراش من كثر الويع والله اول مرة في حياتي مثل هالويع ماكنت اقدر امشي حتى المهم رحت العيادة لكن تعرفون بعد الويع الحاد حسيت ان نزل شي من رحمي مثل قطعة و انا فالعيادة هني خف الويع مرة وحدة عطتني الدكتورة ابرة و روحت البيت المهم يوم دشيت وانتوا بكرامة الحمام عسب اغير ثيابي و الملابس الداخلية و اتسبح
شفت قطعة غريبة قطعة مخاطية وفيها لاصق قعة دم حمرا وبعدها ترا نزل لي دم
وايد حتى الدكتورة قالت لي انا ياج ويع مثل الوحدة يوم بتربي تخيلوا قلت للدكتورة عن القطعة سوت لي تحاليل لكن طلع مب حمل لكن الكبار فالسن قالوا لي لا كان حمل بس بعده ماتم و كان قطعة صغيرة توه مادري شو رايكم لان انا شو ياكد لي ان يمكن حمل لان اول مرة اتويع بالجيل كاني بربي و كنت اصيح ولا مرة في حياتي جربت هالويع لا قبل الزواج و بعده الا يوم كنت اتعالج للحمل شو رايكم افيدوني الله يخليكم اذا في اي سؤال تبون تسألونه تراني حاضرة و شكرا الغاليات ادري اني طولت بس السموحة وادعوا لي بالذرية الصالحةانا اتريا الحمل من 4 سنوات لين الحين اتريا ردودكم

اذا كان حمل وما تم ان شاء الله يعوضج احسن عنه بس انتي نتبهي للعمرج مره ثانيه

صح كيف حبوب الحمل ومنع الحمل بنفس الوقت ؟
لو ماكلتي حبوب منع الحمل
ويمكن اكلج للحبوبين هو الي سبب الالم
اما بخصوص قطعة الدم
عادي وايد تصير وهذا مرات يكون وصخ متيمع
مره الدكتوره قالت جيه
والله يرزقج بالذريه الصالحه

يمكن هذا كيس من التكيسات. أنا آخذ كلوميد عشات تنشيط البويضات، بس الدكتورة قالت لي لازم بعد ما أخلص الحبوب اتسوي لي فحص لأنه ممكن ما تكون بويضة، ممكن كيس. فلازم أختي تراجعين الدكتورة عقب ما اتخلصين الكلوميد عشان تتأكد ان كانت بويضة أو كيس. والله أعلم.