تشققات الحمل .؟؟

مرااااحب ….
الصراحة ما اعرف باي قسم اعرض مشكلتي …؟؟؟
كنت استخدم زبدة الكاكاو في بداية حملي عقب سببلي حساسية (لان من البداية كنت اخذه من الصيدلية وعقب خذته من الجمعية)
وعقبها ما سويت شي في جسمي دامه متحسس والمصيبه ام الحين ظاهره لي واااااااااااااايد تشققات الي منها احمر غامق والي منها حفر على الطول والله جسمي محفر وااايد بسبت هالتشققات حتى مستحيه جدام ريلي
حد عنده حل لمشكلتي وهل بعد الولادة بيرد جسمي مثل قبل ؟؟؟

جربي زيت الزيتون اختي يمدحونه وايد انه يخوز التشققات ..

عن نفسي ادهن بطني بزيت هيمالايا مال اليهال .. بس ماحس ان فيه تغيير لاني وايد اتكاسل واتعايز اني ادهن بطني كل يوم ..

في حريم يقولون كريم التشققات مال مذركير وايد اوكي ويخوز التشققات بس لازم تستخدمينه على طول ..

نفس الحلة والله بس شو نسوي انا عني استخدم زيت اللوز اللي ينباع فالصيدلية وااااااااايد اوك مافية ريحة وخفيف واحسبة يخفف الحكة ..

اللي أعرفه ان دام التشققات بعدها حمرا يعني تقدرين تتلاحقين عليها …. بس ماعرف شو من كريمات أو زيوت أحسن
اسألي دكتورتج أو خذي بآراء البنات؟؟

الغاليه اللي يقولج 100% يخوز تراه جذب والله بيخف اكيد بس ما بتروووووح كلها ،،،، وعليج بالترطيب ( زيت لوز، زيتون، ناريل، جنين القمح) على راحتج بس احسن شي من هذا كله زيت السمسم الغاليه هذا إذا ما ربيتي وبعد ما تربين عليج بخل التفاح ورباط البطن وانتي والخير رباعه …

وسلامتج

ياختي انا سمعت ان التشققات ماتروح
اهلي وربيعاتي يستخدمن كريمات بس مايابت نتيجه
وحاليا يستخدمون زيت اللوز المر مع زيت جلسيرين وان شاء الله اييب نتيجه

السمووووحه