شو أسوي المشيمة نازلة عندي ساعدوني

عزيزتي عادي لا تحاتين انا بعد كانت مشيمتي نازلة وفالرابع بعد ترى بعدج فالبداية دكتورتي طمنتني وتقولي عادي ان شاء الله ترتفع عالشهور اليايه..اهم شي ترتاحين وايد وما تشيلين اي شي ثجيل حاولي ما تمشين وايد فالدوام والله يسهل عليج عزيزتي ويتمم لج ولي ولكل حامل على خير

حبيبتي بخصوص المستشفى انا ماعندي فكره
وبخصوص المشيمه طيحي على ظهرج وارفعي ريلج فوق قد ماتقدرين الان المشيمه النازله مب زين علي الجنين
الله يعينج ويثبت حملج ويسهل عليج ولادتج

هلا اختي انا نفسج الأسبوع اللي طاف سرت العياده من الويع وقالت لي الدكتوره المشيمه نازله و ممنوع اليلسه واايد والماي الدافي والشي الثقيل والريل ممنوع وارفعي ريلج قد ما تقدرين………وعن الدوام الأسبوع اللي طاف عطوني اسبوع وهل الأسبوع داومت البارحه ومن كثر اليلسه ع الكرسي رديت تعبت وعطوني اسبوع والله يعين ان شاء الله

مشكووورات بناااات على الردود ..
الله يسر على كل حامل إن شاء الله

انا كانت نازله وتميت ماتحرك واللحين مكانها

انا الدكتوره في حملي قالتلي المشيمه نازله شوي
بس الحمد لله ما صار شي…وما كنت مهتمه للموضوع وايد بصراحه
عموما حبيبتي ولجميع الحوامل
لا تحملين اشياء ثجيله
لا تمشين وايد(وطبعا اقصد مشي ساعتين )
لا تطلعين وتنزلين من الدرج وايد (وخاصه لبنات الجامعات والكليات يا حليلهم مراكض على هالدرج عسب يلحقون على الحصه
وسلامتج