الحمل والليزر

مرحبا خواتي .. شخباركم …؟؟؟

حبيت اسألكم عن موضوع مهم بالنسبة لي ..

انا من فترة اشل ليزر في بعض المناطق وطبعا من حملت وقفت هالشي بس حسيت ان الشعر زاد من حملت في المناطق اللي شليتها بالليزر وطبعا مضايجه منها ..

السؤال : أقدر اشل ليزر وانا حامل والا خطر على الجنين ..؟؟

علما اني في الشهر الخامس الحين ..

اتوقع تستشيري دكتورتج احسن

انا عن نفسي التشقير ودرته فالليزر من باب اولى
والاستشارة افضل

أنا قريت في كتاب الدكتور ابراهيم كلداري ان اللي تزيل الشعر بالليزر لازم توقف أثناء الحمل ، ليش ؟ لأن لو لا قدر الله طلع الجنين مشوه بتقول كله من الليزر وهو منها برئ.. رغم انه ما له مضار صحية ..

والله ياختي انا بعد كنت اشيل بالليزر
ووقفت سنة ويوم قررت ارجع مرة ثانية اكمل طلعت حامل
فطبعا مارحت لان فيها مجازفة الوحدة تطلب من ربها ان يرزقها بطفل سليم معافى
فنصيحتي لج اتريي لحد ماتربين احسن
عشان ماتلومين نفسج لو صار شي لاسمح الله
عسى الله يحفظ اجنتنا امين

انا سالت قالولي عادي بس الهرمونات عندج تتغير يعني ما بينفعج الليزر.
للحذر ابعدي عنه في فترة الحمل

انا حامل فالرابع وسألت دكتورتي اني ابا اسوي ليزر في ويهي قالت جدا عادي وما له علاقه بالحمل لانه خارجي

بس انتي حسب المكان اللي بتسوين فيه يعني لاتسوين ريلج او المناطق الحساسه
والله يحفظ عيالنا