هل من الممكن أكون حامل؟

السلام عليكم ورحمة الله وبركاته

شحالكن خواتي؟عساكن بخير..

خواتي حبيت أسألكن شي..واستفيد من خبرتكن..

اتعالج بسبب تأخر الحمل عندي..
نزلت الدورة عندي تاريخ12من شهر3ومن ثالث يوم للدوره وصفتلي الدكتوره
كلوميد>>منشط مبايض وقالتلي استخدميه5أيام بس ووقفي عنه..وعطتني مضاد للالتهاب وتحاميل وقالتلي الحبوب أبدأ آكلها من ثالث يوم للدوره مع الكلوميد والتحاميل أحطها بعد ماتخلص الدوره ع طول..وسويت مثل ماقالت وسرت راجعتها فاليوم12وقالتلي ان الالتهابات خفت90%وعطتني تحاميل اسبوعيه عسب أستخدمها فاليوم26بدا فيني ألم فضيع تحت بطني ع طول ماروم اسجد فصلاتي ولا أروم أتحرك..سرت لها وقالتلي هذا الم التبويض شي طبيعي لاتخافين التبويض عندج قوي عسب جي يسوي هالألم..كان الألم فالجهه اليسار بعد يوم تقريبا حسيت فيه فالجهتين..وتحت بطني انتفخ وايد خفت ع عمري قلت بسم الله كل ها وطبيعي..المهم صبرت ع الألم بعد كم يوم خف عني الألم بس أحس بألم الدوره الحينه مع العلم ان مب موعدها موعدها تاريخ12..فهل ممكن يكون حمل؟ومتى أقدر أسوي الفحص أنا وايد مستعيله أبي ياهل..

ادعولي الله يرزقني ويرزق كل محرومه الذريه الصالحه المعافاة..

الصراحه اختي ما عندي اي فكرة
بس ان شاء الله تكونين حامل والسموحه

ان شالله تكونين حامل

انا نفسج باقي عن الدوره اسبوع واحس بألم فضيييييييييع

ربي لا تذرني فرد وأنته خير الوارثين

ماعرف بس تسوين الفحص اذا تاخرت عندج الدوره عن موعدها
الله يرزقج

إن شاء الله تكوين حامل و الله يرزق كل محروم بذرية صالحة

الم الدروه شبيه للام الحمل

والله يرزقج بالحمل يارب

حبيبتي سوي فحص حمل احسن واذا ما بين شي ردي سويه قبل الدوره بيوم واذا تأخرت سيري المختبر سوي تحليل دم للهرمون الحمل نتيجة الدم مضمونه

انا كان باقي عن دورتي 5 ايام الشهر الي طاف سويت فحص منزلي و ظهرت حامل عقبها سيده سرت المختبر و سويت تحليل دم والحمدلله بين الهرمون

و الحين احس بويع يشبه ويع الدوره … توكلي على الله اعرف بنات سون الفحص قبل موعد الدوره باسبوع و بين عندهن الحمل

الله يرزقج و يفرحج بالذريه الصالحه