خواتي أنا في حملي تصير عندي تشنجات في بطني يعني مثل الشد العضلي الفظيع تيبسني وما أقدر اتحرك منها وتزيد مع حركة البيبي بصراحة تتعبني وايد لدرجة انه دموعي تنزل وتستمر معاي نص ساعة أو ساعة،وتزيد فترة الصبح وممكن تتكرر أكثر من مرة،الشي الوحيد اللي يخففها اني اتم يالسة وما اقدر أنام منهاولا اقدر أتحرك أساسا ………….(وهي تبدا معاي من الشهر الخامس وتزيد في الاشهر الاخيرة)
الدكاترة يقولون هاي العضلات تشد لما يكبر الرحم ومنهم يقولون ضعف في العضلات بسبة الحمل……….خواتي اذا حد يقدر يفيدني بشي يخبرني …….
انا صارلي جيه بالحمل الثاني …وبدا معاي بالشهر السابع واللله احس الجنين يتكور ويشد لي البطم مره ويصير يابس
مع الم واقول خلاص شكلي بربي…ولما قلت للدكتوره قالت لي لا تجهديين نفسج وايد ودايما لازم اتكوني مرتاحه والله عانيت معاناه
لدرجه اروح الطوارئ بسبه هالشد والالم ويسووون حقي مال نبض الجنين والالم ويكون عادي طبيبيعي ما في شئ
مو دايما مرات لين الشهر التاسع
وبالنهايه ربيت بطلق صناعي طبعا مو شرات الطلق الطبيعي الى من رب العالميين سبحان الله
وانا الحين الحمل الثالث بالشهر الخامس الامور لحد الان والحمدالله طبيعيه بس افكر بعد يستوي لي شرات الحمل الثاني
ربج كريم ويسهل عاينا
اختى اظن هذه الاعراض بس في البيبي الا يكون بنت … انا صابني هذا الشي لدرجه اني ما اقدر اتحرك لا يمين ولا يسار .. بموت من الالم….. لان بعد حرمه اخو ريلي نفس الشي ربي عطاها بنت … واختى ريلي كانت عكسي ظهرها ما تقدر تتحمله ابدا لان ولد …. حتى اذكر حرمه كبيره كانت تحضر ولاده حرمه ولدها قالت امبونها البنت ويعها في البطن والولد في الظهر………..
صحيح الي حامل بنت يصير لها جي لان البنت اتكووع على قولة ماما ^^.
كانت تتيبس مكان واااحد واتم يالسه ماتحرك ^.^ تطمني عادي عزيزتي ..
انا حامل في الشهر التاسع وقالولي ولد وعندي نفس الشي الشد عضل وكنت افكر من كم يوم كيف بربي لاني كل ما اتحرك بستوي عندي شد عضل بالاخص جنبين منطقة العانة فكيف اقدر اتحرك وانا اربي؟؟ سؤال دائما في بالي
والله عادي هالشي لا تخافن …الامور بتيسر ان شاء الله … لا تفكرن في شي ابدااااا ,,,, المهم الراحه ثم الرااااحه …
الله يعين كل حامل وييسر لها حملها وودلاتها على خير