شنطة الولادة !!!!

ان شاء الله بربي الاسبوع الياي ماعرف كيف اجهز شنطتي !!! شاخذ معاي للمستشفى؟؟؟؟؟؟؟ ساعدوني

بالسلامة ان شاء الله

على حسب انتي قيصرية ولا طبيعي لان القيصرية تاخذين اغراض اكثر لان فترة المبيت في المستشفى اكثر

انا برمس عن الولادة الطبيعية :

بجامتين قطنيات طبعا يتبطلون من يدام عسب الرضاعة

جلابيتين لاستقبال الضيوف

شلحتين و3او 4 ستيانات قطنية

صراويل قطنية اذا تلبسين

شيل عدد 2

ملطف للجسم

معجون وفرشاة وصابون

طبعا العطر ممنوع لان البيبي ما يتحمل

وللبيبي:

ملابس عدد 3 مع القحافي والقماط والسليب باق وفوط صغيرة عسب تنظفين حلجة يوم يرضع بس لان البامبرز من عدهم وما بتحتايين اشيا للبيبي في المستشفى

وبالسلامة ان شاء الله

موفقة الغالية

خذي مشط وشنطة مكياج صغيونه وعطر ريحته خفيفه عبايه لطلعه وشبشب للحمام وفوط للوجه وللاماكن الحميمه وخذي فوط صحيه ولبس حج الطلعه من المستشفى ولنونو خذي قماطات وجلابيه وأفرول وكريم للوجه وكحفيه وقران صغير حطيه عند راس انونو يوم بدشين الحمام ولوتبين قطن مال الصدر ضاغط للبطن وديتول اوغسول عشان الخياطه