الرحم مقلوب

خواتي الدكتورة نادية قالتلي الرحم مقلوب وقالت مافي له علاج الا النوم على البطن بعد الجماع على طول فشو رايكن انتن ؟؟ارحو امسح والا شو اسوي ؟؟ وهل يأثر عالحمل ؟؟

اعرف وحده الرحم مقلوب او مائل وفعلا قالت لها الدكتوره هالطريقه بالجماع وسوتها وحملت ماشاء الله تبارك الله علطول … تبين رايي لاتمسحين خليك على نفس الوضع علشان لابغيتي تحملين سوي هالطريقه .. لانك لو مسحتي واصبح الوضع عادي بتضطرين تاكلين حبوب منع حمل ولا تركبين لولب .. وشلك بهالسوالف اريحلك كذا ..

حبوبه انا نفس حالتج وحامل واتبعت طريقه الدكتوره بس انا احس انه مائل مب مقلوب عندي اما اختي مقلوب عندها واذا تبا تحمل لازم تمسح انتي سيري امسحي ثالث يوم الدوره انتي مب خسرانه شي

أنا بعد عندي الرحم مقلوب
ونفس الشي اللي أعرفه اللي تبي تحمل والرحم عندها مقلوب الوضعية المناسبة للحمل هي حركة السجود

لازم تروحين تمتسحين عند حرمة

هلا حبيبتي.. لا اتروحين تمسحين ولا شي.. هذا شي طبيعي.. و موجود في 25% من الحريم حسب كلام الدكتوره.. انا عندي الرحم مقلوب.. و خواتي الثنتين المعرسات بعد واحنا هالشي عدنا وراثي.. وانا اتقوللي الدكتوره انه مقلوب وااايد ونازل ف الحوض.. والحمدلله احمل طبيعي.. بس لازم اتكونين بوظعية السجود يوم تبين تحملين و اتمين على هالوضع فتره .. وعلى فكره اللي رحمهن مقلوب ما يحملن بسرعه بالوضعيه العاديه.. وهالشي بيساعدج في تنظيم الحمل..

و النوم على البطن ايساعد الرحم انه يرجع طبيعي.. انا اول ما حملت قالت لي الدكتوره كله نامي على بطنج عشان يتعدل الرحم ويرتفع.. وتراه كل ما كبر الجنين يتعدل الرحم سبحان الله وايكون بالوضع الطبيعي..
لا اتحاتين وايد انشالله تحملين و تبشرينّا..