محتاره في الزهرا او ويلكير؟؟

هلا خواتي الكريمات..

انا ان شاء الله بعد كم من يوم بدش فالسابع.. المشكله و الحمد لله رب العالمين على كل حال انه عندي سكر حمل.. و هذا اول حمل لي.. انا اراجع عند مستشفى زليخه اللي فدبي.. و الطبيبه اللي اراجع عندها هناك قالتلي انه في احتمال اني اربي قيصري.. الحين انا متردده.. ابي افتحلي فايل في مستشفى الزهرا في الشارجه او ويلكير دبي.. بس ابي مشورتكم و تجاربكم خواتي تكفون.. وين احسن اربي قيصري او طبيعي في الزهرا او ويلكير .. و عند منو اي طبيبه؟؟

و تسلمووووووووون

عند اي دكتورة تراجعين حبيبتي انا بعد اراجع عندهم

انا اراجع عند الدكتوره هديل.. وايد مرتاحه معاها .. بس ابي اسويلي فايل في الزهرا او ويلكير..و ما اعرف وين احسن و اي دكتوره ..

اممممم اول شي ربي يسهل عليج وان شاء الله تولدين طبيعي وعن المستشفى انا اشوف ان الزهرا وااااايد أوكي وبالنسبة عن الدكتورات عندج الدكتورة أميرة ونفيسة

انا اقول راجعي عند الدكتورة ندى ف نفس المستشفى انا ولدتني مرتين وهاي الثالثة ووااايد ارتاحلها وه شاطرة انا اقول تاخذين رايها وعقب قرري

مشكوره اختي ما قصرتي.. انا سمعت انه وايد زحمه على الدكتورتين في الزهرا؟ شو رايج.. و عندج فكره اذا القيصري سويته في الزهرا يسولياه صح يعني شاطرين ما يتركون اثر على البطن او لا؟

ما عندي خبرة مسبقة .. وهذا اول حمل لي .. اراجع في ولكير عند د. افيلينا ما تيفا .. واااايد مرتاحة لها ولتعاملهم فالمستشفى .. واهتمامهم ..
انا عني سالت وايد عن كل المستشفيات .. واخيرا قررت عندها ..
والله يقومج بالسلامة