باركوا لـــي ياا حضووور بعد ما مرت الشهوووور
ربي رزقني حـــــور وخلت حيااتي كلهاا نور وسرووور
الحمد الله حبيت ابشركم اني ربيت تاريخ 12-7 ويبت احلى بنوووته
ربي يحفظها لي و ل أبووهاا قولوو آآاميــــــــــن..
عااد الحين بخبركم شوو صار لي
والله الله يسلمكم…..انا كانوو عاطيني موعد ولاده تاريخ 15-7
وكنت واايد احاتي لاني مابي طلق صناعي … من دخلت التاسع كل يوووم اقووول حق ريلي متى بربي …متى بربي..؟؟
عااد يووم الاحد تاريخ 12 الصبح الساعه 5 كنت راقده ونشيت ع حلم هههه ياسه احلم ف ملجة اخووي …
اول مافتحت عيووني حسيت بصووت وضربه قويه تحت تووووب خخخخخ اقلد الصووت
جان اقوول بخاطري اميييه شووو هاا؟؟؟
اول ما حركت ريلي الا راس المااي مال البيبي ينزل مني..
ماتعرفووون اشقد فرحت وقلت الحمد الله بربي اليوووم…
سيده قومت ريلي وخذت شووور دافي وطيراان ع المستشفى…. الحمد الله ماكنت احس بويع
دخلت ع الدكتووره وعااد تبا تقيس وانا خايفه بس قوويت قلبي … وقاست
قالت لي ما
شااء الله مفتووح 4 سانتي… جان اسالها انا متى بربي جان تضحك اتقوولي وايد مستعيله
قلتلهاا هيه هههههه متحمسه… قالتلي ع الساعه 12 الظهر ان شااء الله
لان واايد مرتخي عندج مااشااء الله ..
انزين عاد يووو خواتي وودوني قسم ما قبل الولاده وحطولي اوكسجين … وربطوو ف بطني مادري شووو هههه… اظن مال الطلق اول شي جيه المهم……….
بدا الالم يزيدع الساعه 10 شوي شوووي بس انا ما كنت اصرخ كنت متحمله واااخذ نفس … هالشي وااايد ساعدني.. وريلي كل شوي يدخل ايجوفني بصراحه واايد ارتاااح لمن اجوووفه
وتميت ادعي ربي واستغفر …
واقووول ياأأألله …
بعدها بنص ساعه يت قاستني وقالت 6 سانتي… عااااد انا هنيه تميت اشفط من هالاوكسجين
والله بصرااحه حسيت اني تبنجت منه ويهي وايدي احسهم اتنملووو
اقوول حق اختي هوووسي ع ايدي خخخخخخخ متفيجه
انزين تميت ع هالحااال لين الساعه 12 عااد طلعوو.. خواتي ودخل ريلي والله اول ما جفته
خلاااااااااااص احس بضغط من تحت واني ابا اسوو بوووش… واصرخ ع الدكتووره تعالي بربي ههههه…. يت قاستني جافت مفتووح 9 وقالت يالله ولاااااده ولاااده ..لااا وبعد اتقولي النيرس شووو خذتي بوور من جفتي ريلج خخخخخ
طبعا قبل لا ادخل قسم الولاده سالوني منو تبين يكوون ويااج حزة الولااده
قلتلهم ريلي.. لان هوو فديته يبا يكوون ويااي حزتهاا
المهم ودوني غرفة الولااده وريلي طو ل الوقت ايشجعني ويقرا علييه …
عااد قالت لي الدكتوره من تحسين بضغظ تحت سووي بوووش عااد انا اقوولهاا كييف
ماعرف وجان اتعلمني…. وسوووي بوووووووش .. كنت اخذ نفس طووويل واكتمه وسوووي بوووش من الخاااطر.. اخر شي اصرررخ من الالم … ريلي يقولي لاا تصرخين لان من اصرخ الرااس يرد وراا .. والله يا بناات ان النيرس اترمسني وانا طاااف…
يووم ريلي ايرمسني اسمع كلااامه ههه… بصراااحه وااايد وااايد شجعني وقتهااا وكان قابض راسي فديته
عااد اخر بووووش سويته من الخااااااااااطر وطلعت حــــــواااري فديتهااا ..اول مانزلت اقوول بخاطري بس هااي هيه الولااده بس خلااص انا ربيت؟؟
وجووف بطني ينزل سبحاان الله كل الالم اختفــــــــــى ,,, سبحانك يا رب
ريلي قص الحبل السري… و سيده حطووهاا ع صدري والله احسااااااااس غير غير جاان اصيييح وريلي وياااي.. وهيه بعد ويانا تصيييح فديتهاااا حيااتي…
بس جد ربــــي واايد يسر علي الولاااده وهونهاا علييه… ماتعبت واايد…. الحمد الله
والشكر لك ياا رب … ربيت الساعه 12 و31 دقيقه مرة ع اذان الظهر الحمد الله وهااي هيه قصة ولاادتــــي ادعووولي يا بنااات ترااها اوول بنووته لي وان شااء الله تكووون من الصالحاات بأذن الله….
يارب هووون ويسر على كل حامل ولادتهاا … وارزق كل محروومه يااا رب امييييييييييين
انشالله يارب اتكون ولادتي نفس ولادتج سهله ماشالله عليج
ياااااااااااااااااااااااالله اتسهل ع كل حامل يارب واتيسر ولادتهااااااااااااااااااااااااااااااا
بس شقايل دخلتي ريلج لول الموت ما ادخله
والله يخليها لكم …. الحمدلله على سلامتج وسلامة البنوتة
الله يبارك فيج حبيبتي
اميييييييين
الله يبارك فيج
الله يبارك فيج… بالعكس وااايد واايد ارتحت وكان يدعمني فديته
وااايد روووعه الشعوور والله يسلمج الغاليه