المستشفى الأمريكي في دبي

هيه والله يا ريت الخوات اللي مجربينه يخبرونا رايهم بصراحه فيه ويزاهم الله الف خير

بعد البحث و التحري و ما خليت حد ما سألته عن المستشفيات اللي في دبي…آخر شي اخترت مستشفى NMC – new medical center الجديد اللي ورا صحارى يعني بعد التقنيه بتلجونه قبل الاشارات تلفون يمين.
صراحه خدمتهم وايد زينه (اخت ريلي و مرت اخو ريلي ربو هناك وشفت الخدمه بعيني) ومافي وايد زحمه وحشره..يعني يتبرضولج…غرفهم حلوه والنيرسات زينات..حتى الدكتوره اللى أراجع عندها اسمها برافينا زينه بعد.

بس هذا مب معناته انه الأمريكي مب زين…بس أنا بعد سمعت قصتين عن حريم تبهدلوا وقت الولاده اهناك بس سبحان الله كل وحده و حظها…المهم التوكل على الله و الدعاء انه الله يسهل علينا الولاده و يسخرلنا دكتورات زينات

لو سمحتوا خواااتي اذا حد فيكم يعرف موقع المستشفى يعني Website of it on the internet

ضروووووووووري

https://www.ahdubai.com/main/index.aspx

هذا الموقع مالهم اتفضلي … وادعولي الله يسهل عليه واربي طبيعي

وووووايد فنانين والنيرسات او القابلات بعد الولاده يتبرضون لج خصوصا سيسيل …اتعلمج كيف الرضاعه وتغيير البمبرز وكل شي تسالينها عنه اذا انتي بكريه…والله انهم واايد ساعدوني صح بطوا منا بيزات بالهبل …بس معامله ولا احسن…..انا ربيت هناك من شهرين ونص تقريبا….واذا تبين تسالين اي سؤال وما حصلتيني في المنتدى كلميني على الخاص…