انا عاطيني موعد الولادة باجر و عيادة ثانية بعد 4 ايام بس للحين ما ياني ولا شي و مافيني ويع وماظهرت اعراض الولادة
بس كيف اعرف اذا الرحم فاتح ولا لا؟
يعني عادي يكون فاتح بس بدون ما ينزل ماي او دم او تنزل سدادة الرحم؟؟
و بعد بطني وااااايد نازل هل هذا الشي طبيعي؟
تنصحوني اسير المستشفى ولا اتريا؟؟؟
يزاها الله خير اللي بترد
لازم فحص الدكتورة
وآلام الطلق المعتادة اللي هي عبارة عن انقباضات فتح الرحم
بس انتي امشي واايد وكلي تمر ولو تنثرين فوقه شويه جرفه مطحونه يكون احسن …
وان طاف موعدج راجعي دكتورتج ..
الله يسهل عليج وتربين بالسلامه
واذا تبين تعرفين سيري العيادة الخاصة اللي دوم تسيريلها وخلي الدكتورة تفحص كم مفتوح لج الرحم؟؟
والغالية اذا عاطينج موعد ولادة لا تسيرين اتريي 5 ايام اذا شفتي ما شي اعراض طلق خفيف يعني على فترات اييج سيري بعد 5 ايام خليهم يسوولج تخطيط قلب الطفل لان اذا طول فالبطن يمكن يتعب ويضعف نبض قلبه
الله يسهل عليج يارب واذا ما ياج الطلق يمكن يسوولج الطلق الصناعي وهالطلق وايد متعب بس عليج بالمشي والتمر وماء زمزم عشان ما يسوولج طلق صناعي
الله يسهل علينا وعلى الجميع يارب انا حامل في اول التاسع ادعولي
انا بنتي طوفت اسبوع كامل ولا فيني ويع ولا شيء
ولا تسيرين المستشفى عن يحبسونج ويعطونج طلق صناعي
اذا حبيتي تتطمنين روحي عياده خاصة خلي الدكتورة تفحصج
الله يسهل عليج
وتقومين بالسلامة
دعواتج لنا