هذا موضوعي السابق اللي موب فاهمه شو السالفه :
https://forum.uaewomen.net/showthread.php?t=557810
أنا الحمدلله حالتي مستقره .. وماينزل شيء .. بس قالو المشيمه إمغطيه مستحيييل ترتفع ..
المهم : ما يبون يرخصوني ،، متوقعين أنزف في أي لحظه ..
والله مللللللل .. الله يعييينهن الحريم اللي يترقدن بالشهووور .الله يصبرنا ياارب ..
الدكتوره إتقولي : دمي نازل ،، وتوقعي أي وقت تنزفين .. وإحنا نباج ترتاحين مدة إسبوعين ونص تقريبا عسب بنولدج قيصريه .. يعني بكون خلصت الـــ 36 week . وبخصوص البيبي عادي حتى لو إنولد ألحين مافي أي خطوره .. المشكله مشكلة المشيمه موضوعها حساس شوي .
ملل بناااات والله قلبي على عيالي … أبغي أرد البيت.. دعواااتكم ..الله يصبرني ،،
اللي مرت بنفس تجربتي إتخبرني …
في حفظ الرحمن .
المشاركة الأصلية كتبت بواسطة سعادة الكون 
مشكورة فديتج ع النصيحه .. الحمدلله أقرأ ،، وأستغفر ..
الله يصبرني ..
المشاركة الأصلية كتبت بواسطة أم مريم الله يسهل عليج ياارب ..
أنا اعرف حرمه مرت ابنفس التجربه .. عندها ما شاء الله ثلاثه .. ووو اتخيلي خدامتها شردت بعد في الوقت اللي هيه محتاجتنها فيه .. بس اهلها ما قصروا وياهااا لأن عيالها تموو عندهم .. 
.. لا اتحاتين كلها ايام و بترجعين البيت و البيبي في احضانج
ويارب يسهل عليج ولادتج .. ان كانت طبيعية والا قيصرية .. وتشوفين البيبي بخير