البارحة كان موعدي في مستشفى الوصل
وقالت لي الدكتورة مرتفع عندج السكر في نتايج تحاليلج مال سكري وقالت بنرقدج عشان ناخذ عنج 4 تحاليل مال صيام وفطور وغدا وعشا
عذبوووووني والله
وقلتلهم مابا ارقد بسير العيادة عادي قالت بتسيري 4 مرات قلتلها هيه عادي
المهم طرشوني عند دكتورة التغذية عشان تعطيني لستة الاكل لازم اكلها خلال 5 ايام قبل التحليل
رحت لها جان تقول لي انتي ما فيج سكري مرتفع عندج السكر اشوي مال 26 لان الطبيعي يكون 90 وانا طلع عندي 116
قالتلي دكتورة التغذية انتي احتمال يصير لج سكري حمل اذا ما اتبعتي نظام غذائي
القهر اني فالتاسع يا ناس يعني ماباقي شي ليش يعقدولي هالامور
قالولي لا احتمال الياهل يمتن عقب بتتعبين ويمكن تصير تشوهات للجنين
خوفوني المهم قالت دكتورة التغذية انا بكتب ان انتي ما فيج بس احتمال يصير لج سكري
مسكينه هي طمنتني وكانت وايد طيبه وحبوبه
المهم رحت للدكتورة مال الحملوانا مستانسه قلتلها دكتورة التغذية تقول لي انتي ما فيج سكري بس احتمال يستوي لج سكري اذا ما نظمتي غذاءج
جان تعصب وتقول منو يقوووول <<<< هندية حسبي الله عليها
اونه انتي في سكر حااااااامل لازم سوي تحاليل بعدين يعطي اونسلين اذا سكري مافي نازل بعد 5 يوم اكل زين سوي تحليل<<<< بالهندي
والله خوفتني اشوي كنت بصيح قلت الحين على التاسع بيطلعولي سوالف ياني شور ما اربي عندهم بسير اي عيادة خاصة وبربي بلا عذابهم
بنات اللي مرت بنفس تجربتي وطلع فيها سكري حمل ياريت تخبرني شو سوت وشو سوولها
والله نفسيتي مول زفته
طلعت من المستشفى مسكين ريلي يترياني برع وولدي رقد فالسيارة وانا يالسه اخذ النظام الغذائي وتخطيط قلب الجنين
طلعت وانا امشي ماعرف كيف وصلت السيارة احس الدنيا كانت تدور بي
متغصصه ليش يعقدون الامور على الواحد لو كنت فالسابع او السادس مب مشكلة
انا الحين فالتاسع ليش تعقيد الامور
ادعولي ان ما يطلع فيني سكري والله يسهل علي ولادتي وولدي يطلع بخير وعافيه
دعواتكم يا بنات اللي يدعي لاخوه المسلم الله يعطيه مثل دعاءه
بس حافظي على اكلج
وربي يسهل عليج
لا تضايقين يا إختي أنا طالبة تغذيه ودرست عن هذا الشي بالتفصيل الممل
ما دام ما فيج لا تخافين وأنا إللي أعرفه أنه بين الإسبوع 26 و28
لازم يسون التحليل ويكشفون عليه .
بس لو أعرف 126 كان بعد الأكل بساعه أو ساعتين أو 3 ساعات أو يوم كنتي صايمه عن الأكل قبل التحليل لأنه يفرق .
إنتي إتبعي نظام الأكل إللي قالت لج دكتورة التغذيه للصحه العامه.
اتبعي نظام التغذيه وان شاء الله خير
والله يسهل عليج ولادتج يارب
احمدي ربج…الحمدلله والشكر على كل حال
وان شاء الله مافيج الا العافيه حبووبة
وربي يسهل عليج وعلى كل حامل
ويرزق الكل بالذرية الصالحة
ان شاء الله
بس الحمدلله ما بقالج شي وإنشاء الله تربيس بسهاااااااااااااالة
نظمي غذائج .. واشربي زمزم .. وما عليج إلا العافية