شو رايكن اقرع بنوتي ولا اخليها بشعر الولادة

مرحبا خواتي العزيزات
اشحالكن ….. عساكن الا بخير و صحه و عافيه
انا في الشهر الثامن و قريب اربي ان شاء الله ………. دعواتكن
بما ان ماعندي خبره لان اول مولود لي حبيت انشدكن عن شعر البيبي
اذا الله رزقني بنوته شو تشاورن عليه اقرعها ولا اخليها بالشعر الولاده عشان يطول
اخاف اقرع و شعرها يخترب
واخاف ما اقرع و شعرها يكون خفيف و لين بزياده

شوركن و هداية الله

انتظر ردودكن

منكن نستفيد أنا بعد أتريا بنوته وحاليا فالتاسع الحمدلله وبجرية وماعندي خبرة
ياريت حد يفيدنا

الغالية انا بعد ماعندي خبرة..

بس عقب ما تربين وتشوفين شعر بنتوتتج بتعرفين اذا تحتاجين ولا .. يعني اذا الشعر يطيح وايد ولا اذا فيه قشر ولا اذا طالع مش مرتب..

وبشكل عام الي نعرفه ان احسن يقرعون الياهل ..

وان شاء الله الامهات يفيدونج اكثر ^^

السلام عليكم ورحمة الله وبركاته

أنا قرعت بنتي فديتها

واتبرعت بوزن شعرها فضة وذهب

لأنه حد قال لي ذهب وحد قال فضة

فحسب رايي

الأفضل أنج اتقرعينها

بيرد ينقض شعر يديد بإذن الله تعالى

وأغلظ عن شعرها اللي بتنولد به

عسى الله ايسهل عليج وعلي وعلى كل حريم أمة محمد صلى الله عليه وسلم

شوفي يا اختي اذا كان شعرك و شعر ريلك نعيم قرعيها

بيطلع شعرها عليكم عاادي

و اذا كان شعرك او شعر ريلك خشن انصحك ما تقرعينها

لان بيخشن

انا اختي ما قرعت بنتها والحين شعر بنتها صاير وايد

احلى عنها

ولا تخافين يوم بتشوفينه خفيف بيثقل بعدين

تسلمن خواتي عالمرور الطيب

الاحسن اتقرعينها ها رايي
الانه سواه قرعتيها ولا لا بيتغير بعد مرور ايام نوعيه شعر تتغير