امهااااااااااااااااااات و عيايز سيدات الامارات^^
اشحاااااالكن ؟؟
ان شاء الله بخير ؟؟
هالموضووع باب للاستفساار للامهات الجدد اللي ماعندهن خبره شو يسوون ف النفااااااااس
و باب للتفلسف للامهات اللي عندهن خبرة ف الفورمات بعد الولادة^^
بالعربي اللي عندها سؤاااااال عن النفااس اتحطه هني و ان شاء الله الخوات يجاوبن
و اللي عتدها خبره ياليت اتقوللنا ش تسوي و كيف تهتم بنفسها بعد الولادة
بصراحه انا اول مره اربي
و باقي اسبوعين ونص و اخلص الاربعين ومب عارف ش اسووي =(
وها اول حمل لي =(
بس طلعلي خط اسوود ع بطني بعد الولادة=(
مسوه بطني و باقي اسبوعين و نص ع الاربعين ش اسوي ش الحل 
و سؤالي الثااني انا جربت المشد يومين وكرهته بصراحه يضايقني لانه بطني يعرق وايد ااف كرهته
و اللحين فيني كرووشه صغيرره كيف اشلها ؟؟ ياترى تنفع الرياضه و الا ؟؟ لاني افكر اسجل ف نادي
سؤالي الاخييييييييييير … ش اسوي عشاان ارجع عرووس احس جسمي اسوود وااااااااايد.. خاصه البطن و الرقبه
.. السلام عليكم ورحمة الله وبركاته ..
كيفكم حوامل عساكم بخير إستحملوني .. موضوعي طويل لكن مفيد لكل حامل على وجه ولاده إن شاء الله
قبل أبتدي بموضوعي أحب أبلغكم بعد أسبوع موعد ولادتي إن شاء الله ربي يسهّلها .. دعواتكم
طبعاً جهزت شنطة البيبي وجهّزت أدوية النفاس اللي مقتنعه فيها فقط لأنّي ما أحب خرابيط الأعشاب وما أقتنع وما آكل أي شئ ومن طبعي نفسي ماتتقبل اللهوم والسفوف
يا أخواتي والله العظيم بنفاسي الثاني والثالث أهملت نفسي وما مشيت على برنامج ولا أخذت أعشاب
وانواع الخراب وآلام الظهر والإفرازات شفتها بعد ماتميت الأربعين
وبعدها إقتنعت بالأعشاب والغذاء الصحي والراحه اللي لازم تهتم فيها الوحده بنفاسها
وجربتها بنفاسي الرابع وشفت الفرق وحسّيت بالعافيه حسّيت إني بالفعل ما كأنّي حملت وولدت
والحمدلله طلعت من نفاسي عروسه وكنت أشتكي من النحافه وطلعت من أربعيني مربربه وجسمي حلو وصحتي تمام التمام .. قولواماشاء الله
وهذا برنامجي بين إيديكم .. اللي إستخدمته في نفاسي السابق ((الرابع)) كتبته للي مثلي ماتحب كثرة الأعشاب والأدويه (( للإستفاده منه ))
.. وراح أستخدمه بنفاسي بعد اسبوع (( نفاسي الخامس )) إن شاء الله مع إضافة بعض الأاشياء الجديده
والله يقوّم الجميع بالسلامه
*
*
أولاً .. أنواع الأعشاب اللي راح أستخدمها بإذن الله :
حلبه — ماش — فلفل اسود — رشاد — قرفه — حب سوداء
عسل أصلي — تمر — قشر قهوه — مرّه — نانخه — شمر
ولأول مره راح أستخدم .. عباءة السيده
إنتو عارفين للأعشاب طرق ووصفات كثيره وكل وحده تستخدمها بالطريقه اللي تتقبّلها نفسها
وهذي طريقتي بإستخدام الأعشاب .. للي تحب تستفيد منها ..
*1* بعد الفجر وعلى الريق ملعقه عسل أربعين يوم ( ضروري يكون عسل أصلي ) أنا أستخدم عسل سدرأصلي
وبعدها على طول أشرب كاسة ماء ومايكون بارد ضروري يكون فاتر
وبعدها أبلع قطعة مرّه بحجم حبّة الحمّص بعد ما أغلفها بتمره معبوطه (( لأنّي ماقدرت أتقبّل طعم المرّه سائله)) أستخدمها يوم وثلاث أيّام أتركها لمدة أسبوعين فقط
*2* وبعدها سبع حبّات حبّه سوداء وملعقتين ماش مطحون مع تمره معبوطه بالسمن لمدّة أربعين يوم
(( أنا بصراحه نفسي ماقدرت تتقبل الماش مع أي أكل ماعدا التمر وكل وحده تاكله بالطريقه اللي تحبها ))
*3* الفطور أي نوع أهم شئ يكون مفيد للنفاس
(( أنا آكل قطعة خبز بر بالشمر مع ملعقه سمن بلدي وعسل وكاس حليب
أو مصابيب أو حلاوه طحينيه أوأي نوع من أنواع الأكلات الشعبيه المعروفه عند الكل
*4* بعد الظهر على وقت الغدا أي أكله تتوفّر آكلها أهم شئ إنّي إبتعدت عن الممنوعات من الأكل مثل الحوامض والخضروات االزجه
*8* بعد الغدا بنصف ساعه أشرب (( شاي الأعشاب )) وهذا مهم جداً للنفاس وللي تبي العافيه ونظافة الأرحام ..
طريقتي بإعداد شاي الأعشاب :
أغلي على النار لمدة ثلاث دقائق مقدار كاس ماء , واضع عليه ملعقه صغيره كلاً من : قرفه _ زنجبيل _ نانخه _ وأحلّيه بالسكر
*9* وقت العصر أشرب قليل من القهوه ومعها تمره بالمكسرات , أو تمر بدون أي إضافات وأيضاً .. أشرب قشر قهوه
وهذي طريقتي ..
أغلي مقدار كاس ماء وأضيف له الزنجبيل الطازج مع قشر القهوه والقرفه
واتركها تغلي لدقائق على النار واطفي الناروأضيف نصف ملعقه صغيره نانخه وأحلّيه بالسكر واشربها زي الشاهي
* 10 * بعد المغرب كاس حليب دافي مع أي وجبه خفيفه أو قطعة كيك
* 11 * وبعدها العشا (( وأهم شئ تكون وجبة العشا أكل ساخن ومفيد للنفاس )) مثل ..
المرقوق أو المطازيز أو العصيده أو خبز الصاج والعسل أو المصابيب والعسل أو الحليب والبيض أو اللحوم أوالأسماك أو الشوربات ( كل وحده وذوقها بالأكلات )
* 12 * بعدها وقبل النوم أشرب كاس حلبه مغليه مع ملعقه صغيره نانخه ( لأن النانخه تقطع ريحة الحلبه وتخلي طعمها حلو ولذيذ )
والحلبه أستخدمها فقط العشرين يوم الأولى من النفاس فقط
* 13 * في العشرين يوم الأخيره من النفاس على الريق أستخدم ملعقه صغيره حبّة رشاد مع ملعقة العسل أو مع التمره المعبوطه والسمن
وبالنسبه للفلفل الأسود أنا أضيفه مع شوربه الشوفان أو شوربة العدس وما تقبلته نفسي مع الحليب
ولأول مره بنفاسي هذا إن شاء الله راح أشتري عباءة السيده والمغات وأستخدمها لأنّي لاحظت كثير يمدحونها وأولهم الدكتور جابر القحطاني
…….. هذا بالنسبه لبرنامجي للأعشاب ……….
*
*
نجي للأشياء اللي أستخدمها لبشرتي في الأربعين :
** أنا أستخدم غسول البيتادين , وغسول الملح والمره فقط
ولا أستخدم الكبو ولا التحاميل اللي يصنعوها من الأعشاب ولا أقتنع فيها وأحسها خرابيط وهي سبب الخراب ( هذا رأيي وكل وحده تستخدم الشئ اللي بترتاح له ))
ولأول مره بإذن الله راح أستخدم تحاميل (( البوثيل أو البيتادين )) في آخر عشرة أيام من النفاس لأنها طبيه وإقتنعت فيها ولاحظت كثير يمدحونها
فقط بستخدم ثلاث تحميلات يوم ورا يوم إن شاء الله
** من تجاربي بنفاسي السابق .. كنت أمشي كل يوم ربع ساعه بفترة أربعيني من بعد أسبوع من الولاده
وانام على بطني بعض الأوقات وأعمل رياضة كيجل باستمرار والحمد لله تبارك الله بعد أربعيني مالي بطن
ولأول مره راح أربط بطني وعملت مشد بستخدمه في نفاسي الجاي إن شاء الله
(( أخذت شرشف صلاة قديم عندي وقصّيته بعرض 30 سم وخيّطته ببعض وصار طويل مثل المشد الأندونيسي .. بعد أربعيني أخبركم بالنتيجه إن شاء الله
** لترطيب بشرتي أستخدم .. فازلين وزيت اللوز مخلوطه مع بعض وبعض المرات أخلط مع الوصفه كريم جليسوليد
** لتفتيح بشرتي والمناطق اللي سمّرت بفترة الحمل أستخدم .. فازلين وزيت اللوز وليمون مخلوطه مع بعض وهذي الخلطه ضروري حفظها في الثلاجه عشان فيها ليمون ..
والله رووووووعه هذي الوصفه وعن تجربتي
** قبل الإستحمام أدهن جسمي بفازلين مخلوط بزيت اللوز والكركم ( بجد يفتح البشره )
(( هذي طريقتي مع الفازلين وزيت اللوز للعنايه بجسمي ومن زمان مداومه عليها ولاهي مقتصره على فترة نفاسي وعمري ماندمت عليها ولا راح أتركها لأنّي لاحظت نتيجتها في تنعيم جسمي ))
** أستخدم مسك الطهاره .. المسك الأسود ( طهارة ونظافة ورائحة حلوه )
** *************
باقي أيام أو اسبوع عن ولادتي ولو أسعفني الوقت راح أنزل صورة المشد وصور الخلطات اللي بستخدمها وطرق إعدادها إن شاء الله
.. دعواتكم لي بتسهيل الولاده وشفاء قلب بنتي ..
.
وبعد فيني امساااك "" عادي اقعد يومين او ثلاث من دون ما اسوي خروج"" و فيني غازاات }} تعبت ااف ش الحل ؟؟ }}}} سوري ع الالفاظ السوقيه بس ماعرفت ش اكتب و كيف اشرح ^^ …
ومنكم نستفيد انا بجر وماعرف شي