شحالكن حريمات عساكن بخير وعافيه
بدش في الموضوووع على طول
انا صار لي مربيه 5 شهور واسبوع
ومربيه بقيصري واول ياهل حقي
الحين يالسه امنع بحبوب المنع ياسمين اذا تعرفووونه بهذلتني احس لعبت بنفسيتي وايد صرت وايد حساسه وعلى اي شي اضااايق .. وغيره احس بآلام شرات الام الدوره غير اللوعه وزادت وزني
والله يكرمكم الدوره خفت عن اول وحتى الدم مب شرات قبل
والطامه الكبرى بنتي فطمتها عقب شهر ونص تخيلوا فديتها والله غامضتني .. شسوي ما لقيت غير هالحل
لان ابر الرضاعه كذا وحده اسألها ما تنصحني فيها تقول بهذلتها .. اللولب الدكتوره قالت ما يستوي الا عقب 6 شهور من الولاده .. في حبوب الرضاعه عيزت ادور عليها في العين ما حصلت حتى ريلي سأل عنهن في بوظبي بعد ما شي
والدكتور عطتني كذا بديل عن الحبوب الرضاعه بعد ما شي
فكان آخر حل هوو الحبوب
الحين الزبده
ان الحبوب كارهتنهن .. وماعرف غير حبوب ياسمين حد قالي على اربيلا او بيلا ما عرف اسمها بالضبط
والحين تقريبا بتكمل بنتي 6 شهور واروم احط اللولب بس خااااااااااااااااااااااايفه .. سمعت عن وحده ان الحين شلت اللولب والحمل تأخر معاها وايد .. وسمعت ان حبوب ياسمين سوت تكيس على المبايض ..
ما عرف شوو اللي يناسبني وبشووو تنصحوووون ..
ويزااااااااااكن الله خير
انا كنت مركبه لولب وعادي من عقيته حملت والحمدلله ما سوالي اي شي
انا كانت عندي نفس المشكله وبصراحه جربت الابره وايد احسن خذتها من الدكتوره زينب في دبي بس عيبها ان الدم ينزل بين فتره وفتره ولا ماتحاتين الصراحه راحت بال وترومين تسالينها بالتيلفون اسم العياده عيادة الشنار
في البداية لعبت فيني لعبة
عصبية ومزاجية وضيقة الصدر
بس لانة مافي حل غير
الوحدة شتسوي
المانع الطبيعي غالبا في بنات يحملون
لانة مايعرفون شلون يسوونه بالضبط
وبالنسبة للولب في بعد وايد احملو لانة يعتمد على الدكتورة اللي حطته لج
مافي غير انج تصبرين هالفترة
ويمكن بعد 6 شهور جسمج يتعود عليه