أريد أحمل…أفيدوني شو الفحوصات الازمه إللي أسويها عشان أعرف شو عندي يمنع الحمل؟؟؟؟؟
لازم تروحين لدكتورة متخصصة تسوي لج سونار وتشوف وضع الرحم عندج
بعدين تسوي لج فحص هرموني ثاني يوم الدورة ..
وانتظري النتيجة
بـ الاضافة من أنه لابد بعد أن زوجج يقوم بـ الفحوصات اللازمة
والله يرزقج يارب في القريب العاجل بدون اي فحوصات ولاعلاجات وتوائم بعد
فالبدايه اتجيكلج اذا في التهابات تعالجها..
ثاني شي اتشوف الرحم بالسونار المهبلي وتتطمن عليه اذا كان كل شي طبيعي..
بعدين اتسوي فحص الهرمونات..
وعقب يلجئون لاشياء ثانيه عسب يشوفون مشكلة تأخير الحمل مثل اشعة الصبغة اللي هي اشعة قناة فالوب..ويشوفون اذا كانت مفتوحه ولا مسكره واذا كانت مسكره يفتحونها..وهالفحص وااايد واايد زين لانه يسلك الانابيب وبقدرة رب العالمين يستوي حمل..
وعقب يلجئون للمنشطات اللي هو الكلوميد..
ويجيكون ع التبويض وغيره..
واحيانا يعطون ابر تفجير..او احيانا مع الكلوميد ابر تنشيط وعقب ابر تفجير..
وطبعا الريال لازم يسوي الفحوصات اللازمه..
طبعا هذا كله مايسوونه مره وحده لااا..على جلسات طبعا يعني كل شهر والتطورات اللي بتصير لو ماستوى حمل يلجئون للحلول الثانيه مثل تنشيط اذا كان في ضروره وابر وغيره..
السالفه مطوله والشرح مابتعرفينه الا من دكتوره متخصصه..
ربي يسهل عليج ويرزقج بالذريه الصالحه..وان شاء الله مافيج الا العافيه وماتحتايين هالسوالف وباذن الله بيستوي حمل..