والله ماعرف كييف ابتدي بالكلام واشرح لكم شعوري بس بحاول اختصر في الكلام
عسى الاقي عندكم شي يهون علي ويبرد فؤادي وحبيت اقول لكم اني محرومه من الحمل 4 سنوات
والحمدالله رب العالمين اكرمني بالحمل بعد طول انتظار …والحين
انا حامل في الشهر الخامس في الاسبوع 21 اول ثلاث شهور انا ما فتحت ملف الا بعد ماخلصت
3شهور فتحت ملف ومن اول مراجعه وانا كلا صدمات من الدكاتره في البدايه قالو حقي احتمال طفلج يكون منغولي وانصدمت ورحت مكان ثاني قالولي مافي شي يدل على ان طفلج راح يكون منغولي ورتحت وبعدها قالو حقي المشيمه نازله وخفت وحاولت ماتحرك واايد والاسبوع ال15 تقريبا قالو حقي والله الجنين عنده اكياس في الكلى اليسرى اما اليمين طبيعي وعطتني امل الدكتوره انه يعيش بكليه وحدة وقلت الحمد الله دامنه بعيش وبعدها لما رحت قالت حقي والله الماي قليل جدا احتمال يموت اذا مارحت الوصل وهذه لما دخلت بدايه الخامس ورحت نفس اليوم الوصل ونوموني وبعد ماشافوا الجنين قالو حقي ان ماي الجنين قليل والسبب ان كليه وحده في اكياس وما تشتغل والثانيه فيها تضخم 
وقالو مشوة وماراح يعيش واذا عاش يمكن يموت عند الولاده أو انه يكون معاق وقالو نزليه طبعا رفضت لانه الجنين يتحرك وعنده نبض فقالو خلاص تعالي بعد 3 اسابيع نشوف اذا تغير شي ورديت بيتي وانا مصدومه بس بعده كان عندي امل اناه يزيد الماي
المهم تعبت يوم السبت وياني الم في بطني وجاسني اسهال فخفت ورحت مستشفى النور وبعدين سولي فحوصات وطلع التقرير ان نسبه الماي 2 قلييييييييييييييييييل جدا والجنين عنده تضخم في الكليتين واحتمال ما يكمل ….والله بعدا اضلمت الدنيا في ويهي بس بعد الحمدالله على كل حال
والحين كتبت المعانا حقكم عسى القى الي يبرد الفواد …
حبيت اعرف اذا وحده صارلها نفس الشي واكتمل حملها وطلع الجنين سليم
واذا وحده تعرف علاج لنقص الماي او لكليه الجنين
ولي ماتعرف تدعيلي انه الله مايحرمني من الي في بطني واشوفه سليم معافا
يعني باختصارهم يكبرووون السالفه وايد لا تخا فين الغاليه واكثري من الاستغفار
انا ولله الحمد ملفووف الحبل السري ع الجنين وكل يوم بترقف وكملوها قالوا لي الماي ناقص والوزن قليل يارب لك الحمد
لكن بدايت اشرب ماء زمزم يقولوا يزيد ماالجنين
والدكتوره قالت مايزيد ماء الجنين الا الاكل الجيد والراحه
ثاني شي حبيبتي كوني مؤمنة بالله وإن شاء الله ما بيصيبج الا اللي الله كاتبه لج ،،، وإدعي اذا كان هالجنين كامل الخلقة الله يحييه وييبه على هالدنيا وإذا كان لأ الله يعوضني عنه
ولا تنسين هذا اختبار من رب العالمين لا تكونين أنانية وتقولي أباه شو ما كان حتى لو معاق ،، لأن هذا بيأثر عليه مب عليج
وإن شاء الله ،،، الله يكتب لج اللي فيه الخير لجنينك ولك
وما أقدر أفيدج لأني حملت وسقطت من كملت شهر ونص والحمد لله على كل حال
والله يرزقنا أجمعين عاجلا غير آجل اللهم آميييييييييين
ربي لا تذرني فردا وأنت خير الوارثين