الولادة و زيـــــــــــــــــت الخـــــــــــــــــروع !!

السلام عليكم

انا الحين في آخر التاسع الحمدلله .. ومن يومين كان عندي موعد مع الدكتوره وقالت لي تعالي الاسبوع الياي واشربي الصبح قبل الأكل زيت الخروع وحليب دافئ وقالت ان الرحم بينفتح وهي بتسوي لي فحص من تحت

صراحه انا خايفة اشربه بس هي تقولي لازم اشربه لأني لازم اربي ع الاسبوع الياي

بغيت اسألكن يعني لو شربته صدق بربي في نفس اليوم وما بيأثر على البيبي؟؟ ولو في وحده مجربه هالشي تخبرني عن تجربتها

هيه اختي صدق بتربي باذن الله طبعا انا طوفت موعدي وبارابع ايام واليوم الي شربته اليوم الثاني الفجر
اول شي بتتصفى بطنج تصفيه يعني مابتطلعين من الحمام عزج الله
بس انا شربته مع العصير

انا في ولادتي الاولى خذت زيت الخروع
وهو فعلا فعال ويزيد الام الطلق
بس المعروف انج تاخذينه يوم تبدا الالام مو قبل جي
وهاي نصيحتي لج

صح اذا فيج الم الولاده خذيه لانه بيسرع الطلق

بس لو خذتيه بدون الم بتتعبين وايد و بطول الولاده ><

الله يسهل علينا وعليج

من تجربتي شربته مع الحلبه

الدكتوره زينب الشنار الله يجزيها الجنه نصحتني به

شربته فليل وياني الطلق الفجر ماشالله ..

بس صح بينظف لج بطنج قبل الولاده^_^