سكري الحمل

السلام عليكم خواتي
حبيت اسالكم الغاليات منو استوى عندها سكري في بداية الحمل وشو استوى عندها وشو سوت ،ارجوكم ساعدوني لاني عندي سكري حمل وانا بعدي في الثالث وقالولي بيعطوني ابر ، شو تنصحوني اسوي لاني مضايقة وايد .

الله
الله الله
استغفر الله
استغفر الله استغفر الله
استغفر الله استغفر الله استغفر الله
استغفر الله استغفر الله استغفر الله استغفر الله
استغفر الله استغفر الله استغفر الله استغفر الله استغفر الله
استغفر الله استغفر الله
استغفر الله استغفر الله
استغفر الله استغفر الله

استغفر الله الذي لا إله إلا هو الحي القيوم واتوب إليه
يامسبب الاسباب يافاتح الابواب ياسامع الاصوات يامجيب الدعوات ياقاضي الحاجات ارزقني واقضي عني حاجتي ولاتكلني لاحد سواك

ما عليج شر الغالية

سكري الحمل يباله متابعة مستمرة و دقيقة و التزام بالمواعيد

و إذا قالوا لج لازم تاخذين ابر الأنسولين فلازم تاخذينه لتجنب المضاعفات

حاولي دائما يكون معاج شي حلو في الشنطة يوم تطلعين مثل عصير أو كاكاو و حلاوة علشان لا سمح الله ممكن ينزل

السكر

قللي قد ما تقدرين من الحلويات بس لا تحرمين نفسج منها لأنج بتاخذين الأنسولين

و إن شاء الله بعد الولادة ماراح تحتاجين لهذي الأبر

الله يسهل عليج و يعافيج و يتمم حملج على خير بإذن الله

للرفع

أنا فيني سكري الحمل بس أتبعت حميه وانا الحين في الشهر السابع واذا أنتي من العين سيري مركز الرحمه كل سبت عندهم دكتورة نظام غذاء للحامل بالسكري ولازم أتابعين فحص السكر يوميا اذا حسيتي أنه مرتفع روحي للمستشفى خليهم يرتبولج ابر الانسولين والله يشفيني ويشفيج ويشفي جميع الحوامل من السكر

انا عندي سكر حمل وحولوني على دكتور باطني بس مايرتفع عندي وايد قالولي بس اتبعي حميه غذائيه وامشي شويه واتابع الكر في البيت عندي جهااااااااااار
حبيبتي اكيد انتي وايد يرتفع عندج فلازم تاخذين الابر عشان ما تضرين البيبي والله يعطيج العافيه

اختي لا تحاتين أنا عندي سكر الحمل من شهر ثالث ودكتور اقر إني اخذ ابر انسولين عشان لا يضر بيبي والحمدلله مستمرة عليهم ومافي خوف بالعكس الخوف لما ما تستخدميهم لان يضر البيبي لا سمح الله وتوكلي على الله وانسولين مايعبر طفل على كلام دكتور بالعكس يعطي صحة للطفل في ولادته وان شاء الله بعد ربى نستغني عنهم لا تحاتين والله يعافينا يارب