سمحولي عضوات منتدى سيدات الامارات بس فيه غيظ على مستشفى الكورنيش ما أعرف أقوله حق منوه… فحبيت أخبركن به…
أنا حامل في شهري السابع.. وفجيت ملف في الكورنيش من شهرين تقريبا وهذا ثاني حمال ليه…وأول مره بعد ربيت في الكورنيش…
عطوني اول موعد مع المد وايف اللي في العيادات الخارجية مثل المرة الاولى بس في المرة الاولى انا طلبت ينقلوني من العيادات الخارجية للعيادات الخاصة.. بس هاي المرة قالوا لأ .gif "12 (93)")
انزين ليش لأ .gif "12 (8)")
ردوا عليه: ليش انتي شيخة أو عندج جواز أحمر أو أخضر ((جواز دبلوماسي)) أو ريلج معالي ولا سعادة ولا سفير أو وزير أو عقيد وأعلى عن رتبة عقيد 
قتلهم: لأ .gif "12 (33)")
قالوا: عيل ما يحقلج تدخلين العيادات الخاصة .gif "12 (1)")
سألتهم انزين احنا المواطنات وين انروح…
قالولي: تتعالجين في العيادات الخارجية (( من 60 ألف جنسية))
بذمتكن اذا احنا المواطنات ما تعززنا وتكرمنا في بلادنا وين نسير.. واذا هم يبون على قولتهم حرمة معالي ولا سعادة ولا وزير ولا سفير هذيلا الحريم لين ما يترقوا ريايلهم لين هاي المراتب كد انقطع عنهن الطمث ووصلن سن اليأس و مايقدرن اييبن عيال…
وهاي البطايق اليديدة اللي سووهن خلوا كل العيادات الخاصة والحكومة جنهنن سوق جمعة مب عيادة وياين يتعالجون فيهن…
احنا مستعدين ندفع فلوس ونتعالج بس وين المستشفيات في بوظبي ماعندج خيارات…
المستشفيات الخاصة ما يمدحونهن وخاصة الحين قاديات جنهن سوق جمعه بسبب بطايق ثقة… والمشكلة ماعندهم امكانيات حق الاطفال القصر يعني مرد الواحد يرجع حق الكورنيش لانه متوافر فيه كل شي…
والله لا يرويكن العيادة الخاصة اللي في الكورنيش زين اذا حصلتي حرمتين على بعضهن يالسات في العيادة … يعني فاضية مافي عليها زحمة بس هذا القانون اليديد اللي حاطينه ما عرف وين يبون يودونا…
بصراااااااااااااااااااااااااااااحه موضوعج ياااااعلى الوتر الحساس…..
شو بقول وإالا من شو بشتكي…..
المستشفى صاير زباله (سوري على هاللفظ) من القوانين اليديده إالي حاطينهاااااااا….
كل شي تغير في المستشفى الأداره بكبرها مسكتها الهيئه الصحيه….ومن مسكتها ما جفنى الخير…
إلا تلعوزنا وتبهدلنا عدل….قبل أول مراجعه في العياده الخارجيه وعقب نطلب النقل للعياده الخاصه…أحين ماشي…يبون يلعوزون ويبهدلون المواطن كأن هب بلاده….
أنا ضد العنصريه والتفرقه…بس كلمة حق العياده الخارجيه ما تصلحنا….على الأقل يعطون للمواطن ولو شوي من الخصوصيه….لو نحن في بلادهم ما ظن حتى بيعالجونا….نحن ما نفرق بينهم كلنا عيال أدم….نحن بس أنطالب يعطون المواطن ولو شوي من الخصوصيه…شو بيصير عليهم لو فتحو قسم خاص للمواطنات…نحن أمهات أجيال المستقبل ألنا حق في يلادنا وبلادنا ألها حق علينا….
خلونـــــــــــــــــــــــــــــــــــــــــا نربي براحه روحها الولاده تعب….
وما حصلنا الراحه من طلعو بطاقة ثقه……تقولين داخله سوق السمج
المستشفى صاير كـــــــــــــــــــــــــــــــــــــــــــــــــ ـــريه وقوانينه كريها
الله يرحمك يا أبويه زاااااااااااااااااااااااااااااااااايد ويغمد روحك الجنه…من بعدك تهنا عدل وصرنا أغراب في بلادنا….الله يرحمك
كلنا عيال آدم وحوا شو هالتفرقة بعد الله يكون بعونا بس..
صايره قوانينهم خاايسه مادري على شووو
بس شو الفايدة محد يسمعج نحن انادي وماشيء مجيب
بس الله يعينا يارب
وكانت معاملتهم لي ولا اروع ومعاملة الاميرات
تعرفين ليش لانه ريلي يوم مودني بدريسه وريلي عليه رتبه كان يوم الاربعا وكانت الساعه 6وطالعين
من الدوام العصر
ومسكين مالحق يبدل ملابسه
وثاني يوم الظهر ياني بدريسه بس ثاني يوم اتعمد ايي بدريسه مع انه ممنوع يبا يكسبلي نفس المعامله
وووكسبت معامله ماشي
احسن عنها يمكن لهالسبب كانوا يداروونيه وثاني شي لانيه توكلت على الله كنت خايفه وابا اربي في
لايف لاين بس استخرت وسرت الكورنيش
الله يعين الحووامل عن نفسي ماجربت المعامله اللي تقولن عنها