اليوم يايبة لكم طريقة الطهارة بالمسك بعد الدورة الشهرية ؟
وهو هام لجميع النساء المتزوجات وغير المتزوجات ؟!
أول شي نفسر شو مسك الطهارة؟
مسك الطهارة او مسك دم الغزال
هو عبارة عن قطعة (من المسك)مثل الحجر لونه ابيض ,ونوع ثاني اسمر .
تؤخذ منه قطعه صغيرة وتدق لتصبح ناعمة كالبودرة وتخلط بقليل من الماء بشكل جيد ثم بواسطة قطنة صغيرة تبل من هذا المزيج ويمسح بها المناطق الحساسة وخاصة بعد الانتهاء من الدورة.
وفيه حديث للرسول صلى الله عليه وسلم..
عن عائشة رضي الله عنها: ان اسماء سألت النبي صلى الله عليه وسلم عن غسل المحيض؟ فقال تأخذ احداكن ماءها وسدرتها فتطهر فتحسن التطهر ثم تصب على رأسها فتدلكه دلكا شديدا حتي تبلغ شؤون رأسها بها ثم تصب عليها الماء ثم تأخذ فرصة ممسكة فتطهر بها فقالت اسماء; كيف اتطهر بها ؟ فقال: سبحان الله تطهرين بها فقالت عائشة (كأنها تخفي ذلك) تتبعين اثر الدم
ومعنى قوله صلى الله عليه وسلم "فرصة ممسكة" الفرصة هي القطعة من المسك
وألحين عرفتوا انه شي من ديننا ولازم نتعلمه صح
نبدأ بخطوات عمل المسك :
خلوا كل شي تستعملونه نظيف لان هالخلطه بنستخدمها لمنطقه حساسه في الجسم
و هذي الاغراض الطلوبه
1.مسك عبد الصمد القرشي ينباع بعلبة في 6 حبات بس قوليله مسك الطهارة وهو بيعرف وعلى فكرة فيه أنواع خذي العادي الأصلي ريحته روووووعة وهب غالي
2.ماء ورد ( اللي ما تحب مب شرط)
3.ماء معدني
4.طاسه ذات غطاء محكم
خذي نص قطعة المسك و لفيها بنايلون عشان النظافه و ما تتوصخ
اطحني نص حبه المسك بس مب اتخلينها بودره لا.. جي لازم يكون شكلها
يعني فيها كسر
بعدين ماي الورد و الماي المعدني
((..انا استعمل مسافي))
و هذا مقدار كل واحد منه *ماي الورد و الماي المعدني *
و ايصير اتزيدين على حسب حجم الغرشه مب شرط تتقيدون بالكميات
وحطي المسك و الماي الورد و الماي المعدني مع بعض في طاسه قابله للقفل ((يعني ام غطاه))………. .
وبعدين رجي الطاسه عدل لين ما تتخلط المحتويات((طبعا المسك ما راح يذوب))
او بها الشكل بعد
هذي انواع القطن الي نستخدمه
"مع أني أفضل بأًصابعج لأن القطنة ممكن تعلق فيها جراثيم أو شي لا سمح الله"
طبعا القطعه تكون نظيفه
القطن البيضاوي هذا بس اتغطينه عادي
و قطعه قطن الدائري هذي تجسفينها((يعني تطلع عندج نصف دائره))
مثل اللي في الصوره
وتغطسينها في الخلطه وتمسحين بها المنطقه من فوق لين تحت و الخلف بعد…
للمتزوجات لازم ادخلين القطنه داخل شوي وراح اتشوفين انه في وصخ يطلع ((هذا دليل النظافه))
والبنات بس من برع.
((يجب مراعات النطافه التامه … يعني لا تغطسين القطنه اكثر من مره عشان ما تنتقل الجراثيم في العلبه))
وتستمرين بها الطريقه
بعد ما تخلصين من الدوره
و اذا كنت حابه بعد الاستحمام و وقت الحاجه طبعا
وشوفي النظافه والريحه الحلوه ((حتى الريحه تعلق في ملابسج الداخليه))
و انسي شي اسمه التهابات او حساسيه و افرازات و روائح كريهه…
انا انصحكم بمسك عبد الصمد القرشي عشان هو الاصلي و يكون معقم ولاتستعملون شي ثاني
وما بقولكن جربن وحطن تجاربكن ..
أنا كل شهر استخدمه والنتايج الحمدلله اوك
المنطقة تنظف عدل وتبعد اي اثر للدورة الشهرية
وحتى اللي فيها التهابات او فطريات تخففها وتزيلها
واي احمرار او حساسية بعد تزيلها
وفيه حريم المنطقة عندهن شدت وابيضت بعد
وفيه ناس يستخدمونه مع مزيل العرق ومعطر للملابس والغرف
وممكن تستخدمينه في أماكن ثانية مثل تحت الركبة والكوع وبين الصدر وتحته ..
أي مكان تحسين انه يحتاج تطهير من الحرارة
سبحان الله ديننا فيه كل شي
بجربهااا
احسنتِ
اللهم ارزق كل وحدة تتمنى الحمل بالذرية الصالحة عاجلا غير آجل اللهم آمييييييين
اللهم عاملنا برحمتك
وبشر الصابريييين
اللهم إني أحمدك على كل المحامد ما علمت منها وما لم أعلم وأشكرك على كل النعم ما علمت منها وما لم أعلم.
ربي لا تذرني فردا وأنت خير الوارثييييييين.