شخباركن ياحلوين..يارب الحامل تتير ولادتها والي بعدها ما حملت تحمل بسرعه..
منو صارلها مثلي..انا حامل توني داشه الرابع وصارلي تقريبا شهر ونص وانا احاني من حساسيه في الانف..دايما منسد وخاصه وقت النوم حتى لو حطيت البخاخ انتبه بعد ثلاث او اربع ساعات ويكون مسكر..تعبت وايد من هالحاله..حد صارلها مثلي وارتاحت منه؟
انا كنت استخدم بخاخ ما اذكر اسمه مثل شكل اوشن بس لونه اخضر..والحين استخدم اوترفين بس احاول ما اكثر مره او مرتين بس..الدكتور كتبلي دوا مضاد للحساسيه بس ما في فايده لان ما يقدر يعطيني مضادات..
ياريت الي صارلها مثلي وافتكت تخبرني حتى لو بطكرق طبيعيه..انا اخاف ايتم معاي لين ما اربعي وبصراحه تعبت مب كادره اتنفس الا من فمي
الله يوفقكم ويجزاكم خير
منو صارلها مثلي..انا حامل توني داشه الرابع وصارلي تقريبا شهر ونص وانا احاني من حساسيه في الانف..دايما منسد وخاصه وقت النوم حتى لو حطيت البخاخ انتبه بعد ثلاث او اربع ساعات ويكون مسكر..تعبت وايد من هالحاله..حد صارلها مثلي وارتاحت منه؟
انا كنت استخدم بخاخ ما اذكر اسمه مثل شكل اوشن بس لونه اخضر..والحين استخدم اوترفين بس احاول ما اكثر مره او مرتين بس..الدكتور كتبلي دوا مضاد للحساسيه بس ما في فايده لان ما يقدر يعطيني مضادات..
ياريت الي صارلها مثلي وافتكت تخبرني حتى لو بطكرق طبيعيه..انا اخاف ايتم معاي لين ما اربعي وبصراحه تعبت مب كادره اتنفس الا من فمي
الله يوفقكم ويجزاكم خير
ألله يكون في عونج أنا موب حامل وأتعب من الجيوب الأنفية لأنها متخصصة فيني
وايد أتعب منها
بخصوص وضعج الحين شوي صعب تاخذين أشياء كيماوية وايد أعرف مثل حالتج كانن يتحملن لين ما يربن
الله يكون في عونكن الصراحة
بقولج على شي طبيعي أنا استخدمته ما أدري لو بفيدج ألا وهو شمع العسل وايد ممتاز تعلجينه بإستمرار
مفيد الصراحة أنا فادني وايد
انا مثلج بعد من حملت الدكتورة تقول هذا من الحمل
انا وايد تأزمت قام يطلعلي دم
بس بروحه يخف
والحين عطتني قطرة ماي وملح احسها زينه ماقام يحسس ووقف الدم
انا وايد تأزمت قام يطلعلي دم
بس بروحه يخف
والحين عطتني قطرة ماي وملح احسها زينه ماقام يحسس ووقف الدم
انا قريت هالطريقه بس بصراحه ما جربتها..بس هل ينفتح الانف مؤقت ويسكر بسرعه؟ ولا كم مده يتم مفعوله؟
عادي الغالية انا يوم كنت حامل تم عندي شهريييين و الله تعبت منه حتى البخاخ صار يتم نص ساعة بس لاني ادمنت عليه و ما قام يسوي مفعوله
انصحج تسيرين عيادة الحوامل و تاخذين منهم حبوب للحساسية بس اهممممممم شي يكون ينفع للحوامل
انا صارلي نفس الشي وكنت استخدم اوترفين مال الاطفال لانه اخف من مال الكبار… وما ارتحت من الحساسيه الا عقب الولاده
أنا عانيت من نفس مشكلتج من شهر و ما فادني شي غير RHINOMER
و هذي صورته
و هذي صورته
في منه 3 أرقام
رقم 1 لونه أزرق: خفيف و خاص للأطفال الرضع
رقم 2 لونه أخضر: قوته وسط مناسب للبالغين و الاطفال فوق 6 سنوات
رقم 3 لونه أحمر: قوي مناسب للبالغين و الاطفال فوق 6 سنوات
أنا استخدم رقم 3 و هو مناسب للحوامل لانه عباره عن ماي بحر معقم
استخدمته مرتين او 3 مرات و راحت المشكله لليوم مرتاحه لا انسداد و لا شي و اذا رجعت المشكله بستخدمه على طول
و بتلاقين طريقة استخدامه في الورقه وياه