الصراحة مستحية منكم بسبة الموضوع بس ادري فيكن مابتحقرن موضوعي وكل وحده مرت نفس حالتي ياليت تساعدني وخاصة اني اول مرة أحمل ومااعرف شو اسوي
انا حامل في الشهر الرابع وجايسني إمساك شديد بصراحة وطلع لي دم مع البراز وكل شوي يوم امسح اشوف دم خفيف خفت قلت يمكن من المهبل بس طلع من المنطقة اللي ورا والله خايفة ومن اسبوع ونص نقريبا كان الدم اكثر عن هالمرة ووقف بس هالمرة خفيف بس بعد خايفة يوم سمعت ان عادي يكون بواسير
فشــو تنصحوني اسوي مع العلم انا اكل حبوب فوليك اسيد مع الحديد فأكيد من هالشي ماسكني امساك
ياليت اللي مرت نفس حالتي تقولي هل هالشي عادي لأني بفترة حمال وإلا شو لازم اسوي وخاصة ان ينزل علي دم مع البراز الله يعزكم هالمرة الثانية؟؟
سرت عند الدكتوره وعطتني شرووب وااايد مففيد ويسهل الخرووج
والله يكون فعونج
خذي فوليك بروحه بدون شي والحديد خلي الصيدلية يعطونج easy iron
وكثري من الاكل لي فيه الياف وعليج بالماي والله يشفيج
اولا اذا انتي دشيتي الرابع خلاص وقفي الفوليك اسيد ما يحتاج..بس قبلها استشيري دكتورتج…لأن هالحبوب فقط لثلاث شهور الاولى…
ثانيا في الحمل معروف انه يستوي إمساك فلازم فلازم تكثرين من السوايل والالياف عسب يلين بطنج…لأن الشهور الاخيرة يستوي ضغط على المعدة يوم يكبر البيبي فلابد بيصير امساك…
ثالثا عن الدم في هذيج المنطقة احيد اختي كانت جذيه وراجعت الدكتورة قالتلها هذي بداية البواسير …عطتها مراهم وخف عنها يعني تلاحقت عليه….انتي بعد راجعي الدكتورة وتلاحقي لا تهملين عمرج…
الله ييسر علينا أمورنا ويسهل الحمل والولادة والتربية
الله يعينجعليج بعصير البرتقال يوميا