حوامل ومربيات …
ابغي افتح هالموضوع عشان كل وحده عندها خبرة بادوية واعشاب النفاس تكتب
عشان نفيد ونستفيد …
خصوصا الخوات اللي ما عندهم خبرة او اللي اول مرة يربن >>>>> شراتي 
المهم …
نبغي نعرف شو الأدوية الشعبية، الاعشاب، الفواكة، الخضار، الأكلات ….الخ
وشو الاشياء اللي ممكن تسويها الام (ماي وملح) ، ربط البطن ……كل شيء
اللي مناسبة واللي غير مناسبة للأم فترة النفاس …
لان شرات ما تعرفون ان كل شي تاكله الام يأثر عالبيبي من خلال الرضاعة ..
فما نبغي البيبي يتأثر ويصير عنده مغص او غازات بسبب اكل الام …
و افتر في القسم و اجمع شويت معلومات
خخخخ و من كثر الي جمعت ما اعرف شو احسن شي
انشالله نستفيد
up
up
ياليت الخوات يفيدونه بخبراتهم
الجلوس في ماء وملح 10 دقايق للتنظيف.
والاكثار من أكل الالياف مثل الجزر والخس والفاكهه بشكل عام .
الحرص على ربط بطنك بعد الاسبوع الاول علشان يشد وما يترهل .
الاستحمام و المحافظة على النظافة الشخصية.
شرب اليانسون مفيد جدا .
اكل اللحوم والسمك ومرقة اللحم واكل الخبز الاسمر.
شرب حليب دافئ مع قليل من الفلفل الاسود في الصباح.
شرب الحبة الحمرا
والحلبه ايضا مفيده تدر الحليب وتقوي الدم..
بالنسبة للامساك في النفاس فاحسن حل له ((العنب)) تاكلينه على الريق وتكثري منه
وسعي صدرج في نفاسج لانه اهم شي النفسيه والاكل ركزي على الفواكه والخضار واللحوم والبيض والحليب
وفي الصباح اول ما تقومين من النوم اشربي كوب حليب ساخن مع اضافة ملعقة حلبه استمري على الحلبه فقط اسبوع ورشي فلفل اسود على الشوربه واشربي قرفه وكلي تمر.
يقولون أنه قشر الرمان زين ( تاخذين ملعقة قشر رمان مع 2 كاس ماي وتغلينه وبعدها تشخلينة ومتى يبرد اغتسلي منه ولا تيلسين فيه).
اشربي الحليب الطازج مع العسل عند الصباح وعلى الريق.
ممكن تستخدمين مشد طبي يكون ظهر وبطن بتحصلينه في الصيدلية (مع أنه في نسبة كبيرة من الحريم يستخدمن الشيل او الغتر)
ترطيب الجسم ودهنه بزيت الزيتون اذا امكن.
شربي البابونج لأنه يهدي الأعصاب ويصفي البشرة ويجعلها نظرة ويخفف المغص والتقلصات وكذلك شاي الأعشاب المكون من (الكمون والدارسين وقشر القهوة واليانسون ) فهو مفيد كذلك وإشربي مغلي أعشاب المريميه وكذلك النعناع وإن بغيتي الزنجبيل .
لازم تشربين مرق لحم حار بالفلفل الاسود ومعاه حلبه بدون طحن طبعا مطبوخه مع المرق
واغلي حلبه وحليها اذا تبين وخليها بالدله واشربي منها في اليوم طبعا بيكون في الدله يعني زياده تشربين لمدة عشرين يوم ووقفي الحلبه
طبعا اشربي المشروبات الحاره وسوي لك معجون تمر مع السمن او الزبده واكلي كل يوم بحجم البيضه واخلطي
معها حبة الرشاد الحبه الحمرا قبل النوم والصبح كيفك بعد الفطور او قبله
والقهوه طبعا زينه لازم تشربين ومغلي اليانسون
هذا بالنسبه للمشروبات نجي للاكل
الفطور ابتعدي عن المعلبات لازم تاكلي اكل طازج مطبوخ مثل مرق اللحم مع خبز اسمر اوعصيده او فريد
الغدا والعشا اكلي اللي تبين بس ابتعدي عن الممنوعات وطبعا اتمنى اكل البر زياده لانه مفيد
وبعد شي مهم لازم تبتعدين عن الجوع بين الوجبات اذا جعتي اكلي شابوره بالبر مع كاس حليب او شوربة اللحم بالحلبه مفيد ه جدا ينصحون فيها الحريم الكباروالبعد عن اجهاد النفس لاتشيلين شي ثقيل
خلصنا من الاكل والشرب
بعد الولاده احسن غسول مفيد ومطهر ومايسبب اي ضرر هو المره نقعياه في علبة وغسلي منها حتى لو بعد الولاده
لانه مطهر للجرح ومسكن للالم عن تجربه
يعني خليه غسولك طول فترة النفاس
وبعد عشرين يوم من الولاده نستخدم غسول الارطا تلقين الارطا او العفص عند العطارين فيه منه مطحون ومنه غير مطحون اخذي المطحون طريقة عمل غسول الارطا
تغلين الماء مع الارطا ومره وملح خشن
وتتمين تشطفين منه مره في اليوم وبعد حطي في البانيو الخاص فيك واجلسي فيه ويكون دافي لمده نص ساعه
وطبعا من بعد الولاده لازم تشربين منقوع المره بقدر نصف كاس او اقل بس اهم شي تشربين
واخر شي خلال العشر الايام الاخيره تبحري بقشر البصل والمر والكمون لانه ينشف واستخدمي تجاميل البوثيل او البيتادين لانها تنشف وتنظف
وبعد صابونة فرجنتي عن تجربه روووووعه تظوق انا ساكنه الامارات بس يوم اروح السعوديه اخذ كميه عندي يعني اللي تعرف وين تنباع هنا تقول
واتمنى انني افدتكم
نسيت لازم تشدين بطنك بالشيل القطنيه اما المشد اللي بالاسواق لاينصح به