اول شي حبيت اقولكم كل عام وانتو بخير وعساكم من العايدين يارب
المهم ماطول عليكم بدخل ف الموضوع ع طول
انا صارلي 4 شهور تقريبا متزوجة ,, والمفروض الدورة تجيني بداية رمضان ,, بس تأخرت لين نص الشهر ,, يعني اسبوعين تقريباُ .. المهم من بعدها نزل علي دم وصار عندي الم فظيع بحيث اني كنت اصيح منه ,, والدم مجرد نقاط لا اكثر ,, سويت تحليل منزلي ,, وطلع بوزتف يعني اني حامل ,, ورحت المستشفى وسويت تحليل دم ,, وطلع بعد بوزتف ,, بس الالم والدم مستمر 10 ايام ,,واستمريت اسوي تحليل دم عشان اعرف اذا الحمل سليم ولا لا من زيادة هرمون الحمل ,, بعدها بيومين اتصل فيني الطبيب وقالي لازم تنزلين الجنين لان الحمل فاشل !!! طيب ليش فاشل ؟ قال لازم اسويلج كورتاج بعطيج فرصة يومين واذا مانزل تجيني اسويلج عملية ؟؟؟؟؟؟؟ 
انا خفت صراحه وسيدا رحت لمستشفى الامارات في بو ظبي عند دكتورة نوال الخالدي ماشاء الله عليها ماقصرت معاي وربي يجزيها كل خير
المهم سوت لي فحص وسونار ,, وقالت عندي حمل خارج الرحم ؟؟؟ تخيلو يعني الطبيب الشاطر كان يريد يسويلي عميلة وكان وداني بستين داهيه ,, والحمدلله كان الجنين عمرة اسبوعين ,, لان لو كان اكبر كان سكر الانبوب ,,, وخذت ابرة تنزل الجنين ,, وسألت الطبيبة عن السبب قالت الالتهابات !!
بنات انا من تزوجت ع طول خذت مضاد حيوي لاني عارفة البنت ف بداية الزواج يصيدها التهاب ,, بس سبحان الله ماتوقعت انه ممكن يسوي حمل خارج الرحم ,,, والحمدلله ع كل حال انا الحين متواصلة مع الطبيبة وقالت لي 3 شهور مافي حمل ومن عقبها ممكن احمل ان شاء الله ,,
حبيت اشاركم عن حالتي واتمنى انكم استفدتو بشيء وأي بنت تحب تستفسر تتواصل معاي ع الخاص
ع فكرة بنات اللي يعانون من التكيسات ,, لاتخافون ,, انا كان عندي تكيسات وايد بس سبحان الله ,, اذا الله راد انج تملين بتحملين ولو شنو ,, المهم خلو ايمانكم قوي وثقتكم بالله كبيرة وعليكم بالاستغفار
دعواتكم لي الله يعوضني خير
وبرافو عليك انك مارحتي عند الدكتور
اختي تعرضت لنفس المشكلة ولكن انفجر الانبوب وظلت بمبيض واحد وتعذبت وعملية ببنج كامل مسكينة
وساوولها عملية تجريف مرة ثانية لانها اجهضت ومسكينة خربولها بطانة الرحم والدورة انقطعت عنها بسبة التجريف الله لايباركم فيهم
كل تأخيره فيها خيره … عقبال ما تحملين بتوأم
ورب يعوضني ويعوض جميع المسلمات بالحمل الثابت الصحي ,,,,,,,, اللهم اميييييييين
ربي يعوضج يااارب
ويرزقني ويرزقج ويرزق كل محرومه بالذرية الصالحه