هل تصدقين كل ما يشخصه الاطباء عندك؟

السلام عليكم ورحمة الله وبركاته
حبيت اشاركم بتجربتي … قبل ما اكمل سنه من زواجي راجعت عند الدكتوره كل فحوصاتي مع زوجي كانت سليمه ولله الحمد ماعدا قرحه متوسطه في عنق الرحم وخبرتني انها مالها اي دخل بتأخر الحمل . وبديت علاج كلوميد لمدة 4 شهور بدون فائده مع ان التبويض عندي كان جيد بعدها طلبت مني الدكتوره عمل اشعة الصبغة وبين عندي انسداد في الانبوب جهة اليمين . كانت الدكتوره كل شهر اجيها تقترح علي اعمل اطفال انابيب وبصراحه كانت تجيني ضيقة صدر لاني ابي كل شي طبيعي . بعدها بشهر رحت راجعت قالت لي عندي بويضات نازله من جهة اليمين واليسار فلما استفسرت اكثر كيف تنزل جهة اليمين وانا عندي انسداد ؟ سألتني اذا اخذت كورتيزون لمدة شهر جاوبتها اني ما اخذت شي وراجعي الملف واقريه زين ما اخذت شي ولا وصفتي لي هالشي !!!
يعني زبدة كلامي الاشعة بين ان عندي انسداد ولكن بقدره قادر راح الانسداد ويمكن من الاشعة لاني قريت في بعض المواضيع ممكن الانسداد يروح والحمد لله .
نصيحه لوجه الله لكم كلكم تثقفو واقرو ولا تعتمدون على معلومات الاطباء ولا يصيبكم يئأس بعض الدكتاره هداهم الله يصعبون المشكله ويسكرونها في وجهك وفي النهايه كل شي بيد الله وربي يعطي كل محرومه الذريه الصالحه وانا وياكم يارب

صدقج والله أختي
كلام الدكاترة مرات تحسينهم يعظمون الشي .. مع انه شي عاادي ومرات وخاصة لما تطولين وياهم بالعلاج اتحسينهم ينسونج وكل مرة يسألونج شو ومتى وكيف …؟؟؟
أنا صراحة من حملت راجعت 3 دكتورات أشيك ع الياهل .. الحمد لله محد قالي شي بس بعد تعرفين العيادات الخاصة ما تحسينهم ينتبهون أو ما يدققون عدل والحكومي ولا يهمهم مراااات يسوون طاف
ومستعيلين مرة .. وأنا عشان أطمن بعد الحمد لله .. والله خاصة هالأيام تسمعين بلاوي ومحد ينتبه لها مرات وخاصة أول حمل لازم تنتبهين للأكل والضغط والسكر وسكر الحمل ..
الله يسهل علينا انشالله وييسر الأموور ويوفقنا ونربي بسهولة ويسر بإذن الله ..

جزاك الله ألف خير ياااااارب ….

للرفع

اللهم ارزق كل وحدة تتمنى الحمل بالذرية الصالحة عاجلا غير آجل اللهم آمييييييين

اللهم عاملنا برحمتك

وبشر الصابريييين

اللهم إني أحمدك على كل المحامد ما علمت منها وما لم أعلم وأشكرك على كل النعم ما علمت منها وما لم أعلم.

ربي لا تذرني فردا وأنت خير الوارثييييييين.

انا ماااااااااا احبهم اتعقدت ووكلت امري لله وحده عز وجل ،،،

اتعقدت منهم في البيبي الاول والثاني وبسم الله عليهن بناتي الحمد لله كانت ولادتي طبيعيه وصحتهن وصحتي زين الحمد لله ،،،

هذا البيبي الثالث جريب اخلص 26 اسبوع وللحين ماسرت غير مرتين كل مره عند حد بس علشان اسوي سونار اتأكد من وضع الجنين واسمع دقات قلبه فديته وفي المرتين سويت فحص دم وسكر علشان اعرف شو آخذ من فيتامينات ولليوم هذا ما فتحت ملف بالمستشفى اللي بولد فيه بعدني محتاره مع الاسعار الجديده كسرة ظهر الله المستعان

عندي اياها قاعده للاسف في اماراتنا الحبيبيه المستشفيات الحكوميه مهملين همهم يخلصون المراجعين وحاليا في مستشفى الوصل ودبي زادوا الاسعار من 2500 لـ 10000 درهم ومن 5000 لـ 14000 للقيصري والمستشفيات الخاصه تنهب جيوبنا كله ايقولون لج سوي هالفحص وسوي هالفحص يمكن ويمكن لازم نتأكد ومناك انتي منهاره من كلامهم ،،،، الله المستعان

والله ياعزيزتي انا ماصار عندي اي ثقه بكلام الاطباء ابدا وكل وحده لازم يصير عندها ثقه برب العالمين بس
بالتوفيق ان شاءالله

الله المستعان

خصوصا الدكاترة إللي عدنا !!!!