حملي والكلوميد وتجاربكم بلييز جاوبوني

[CENTER]السلام عليكم ورحمة الله وبركاته

حبايبي بخبركم شو صار لي كنت حامل ومن اسبوع توقف نبض الجنين وقالتلي الدكتورة بروحه بينزل وما تحتاجين تنظيف مع العلم هذا اول اجهاض لي مع انه عندي اولاد من قبل والحمدلله حملي وولادتي طبيعية ، انزين المهم قالتلي تعالي بعد ما تنزل الدورة أول يوم أو ثاني يوم عسب أعطيج كلوميد عسب ينشط المبايض وتحملين مع انه ما عندي مشاكل بالتبويض ولا عندي الحمدلله تكيسات

يا ترى هل اللي تستخدم الكلوميد تحمل باذن الله بنسبة أعلى ؟ وشو بالنسبة للتوائم هل هالشي يستوي من أول استخدام والا اكثر من مرة ؟ وكم نسبة الحمل بتوام بعد استخدام الكلوميد ؟

دخيلكم اللي عندها معلومة أو مرت بهالتجربة تجاوبني ولا تبخل علي
واللي ما تعرف يكفيني ترفعلي الموضوع وربي يجزاكم كل خير [/CENTER]

ما عندي فكرة يالغالية والله يعوضج عنه

تسلمين حبيبتي

للرفع

وعليكم السلام ورحمة الله وبركآآآته
هلا بج حبوووبه
ربي يرزقج بالذرية الصالحه ان شاء الله وتحملييين
ختيه فدييتج كان دوم حملها ضعيف ,,،، كل ما تحمل يطيييح ,,،، عقب قامت الدكتوره تعطيها الكلوميييد ,,,،، حملت الحمال الأول عادي والحمد لله ربت ,,,،، الحمل الثاني يابت توأم ,,،، قالتها الدكتوره يمكن من الكلوميييد اللي كانت تاخذه قبل ,,،، مع العلم انه محد في عايلتنا ياب توائم ….
الكلوميييد منشط للمبايض وتنشط البويضه ويكون حجمها كبير ,,،، فاحتمال يوم يكون حجمها كبير تحملين بتوأم
والله العالم
ربي يوفقج ويسعدج عزيزتي

مشكورة غناتي

بس يستخدمونه لين ما يصير حمل يعني كل شهر وإلا مرة وحده بس ؟

هل غلاتي
تعطيكي الدكتور كل ما جاتك الدوره انا مثلك مرتين طيحت واليوم ثاني يوم الدوره لي واعطتني اياه لمدة خمس ايام
وانشاااااااااااااااااااااااااااء الله نحمل بتوم