كيف الحال؟؟
المكتوب مبين من عنوانه
يوم الخميس كان عندي موعد مراجعه في المستشفى ويوم فحصتني الدكتوره قالتلي النفس عندج فاتحه من 3 الين 4 سانتي يعني في حاله ولاده وقلتلها بس ما احس بويع ولاده ولا شي قالتلي لا انتي امشي و على المسى ولا باكر الصبح بتربين
ورديت البيت وما خليت شي ما سويته شربت قرفه وشربت بابونج وعسل ومشيتلي يمكن فوق الـ 3 ساعات وتسبحت بماي حار الين المسى ماشي زاد عليه وانا مستغربه هل معقوله بتكون في حاله ولاده وانا مب حاسه بالالام غير الشي إلي احسبه دوم يعني مافي شي يديد
وعلى الساعه 10 تقريبا قلت بروح افحص هل فعلا في حاله ولاده ولا يكذبون عليه ويوم رحتلهم قالولي والويعات جدا متباعه و النفس فاتحه 4 وما طاعو يطلعوني من المستشفى وتميت الين 12 وانا حالي نفس ما هو ماحس بتقلصات الربى المهم قلتلهم انا بطلع امشي يمكن يزيد شي ومشيتلي يمكن ساعه ونص ويوم يتهم ماشي فايده وماشي ويع ولا حتى بوادر وقلتلهم انا بطلع ما بيلس هني بس جيه وانا ما حس اني بربي وعقب ضرابه وحرب خلوني اوقع على اوراق واخلاء مسؤوليتهم ووقعت ورديت البيت والين الحين مب حاسه باعراض الربى بس انا خايفه ان النفس اذا تمت فاتحه يضر البيبي
هل حد مر بنفس إلي مريت فيه؟؟؟؟
وان شاء الله الخوات بيفيدونج
بس اللي اعرفه يوم يكون فاتح ٤ يعني خلاص ولاده
انا اختي كانت بنفس وضعج وقعدت اكثر من اسبوع رايحه راده عالمستشفى وعقب ولدت طبيعي ولله الحمد
بس نصيحه اذا انتي تراجعين ف مستشفى بعيد عن منطقتكم اقعدي في المنطقه الي فيها المستشفى افضل
نحن منطقتنا شوي بعيد فاختي تعبت شوي فالولاده
وعسى ربي يسهل عليج ان شاااء الله
ولا تنسينا من دعاءج وقت الولاده
وإن شا الله ما بتكملين نص ساعه إلا وإنتي مربيه