كيس دهني فالمبيض الايسر افيدوني لو سمحتوا

شحااالكن خواتي عسااكن مرتاحات ؟

خواتي انا حامل لي 3 شهور .. سويت صوره يوم كان لي شهرين وشافو كيس بس الدكتوره قالت مافيج شي وكل شي اوكيه مع اني شكيت يوم كانت الممرضه تسويلي صووره

من اسبوع سويت صوره اقين وخبرتني الدكتوره عن كيس دهني ,, وبأنه زاد حجمه عن قبل ,, بشي بسيط ,,

حولتني الطواري توام ,, قالولي اذا كبر ماعليه خطر ع الجنين الين بعد الولاده بيسوولي جراحه ,, واذا التف على قولتها على طول بيسوولي جراحه يشلونه ,,

مب عارفه الحين الوسواس مب مخلني فحالي ,, هالشي طبيعي ولا بسبة شي ؟
وامشي ع كلامهم ولا اسير برا اسوي فحوصات من يديد ؟
احس خايفه ومب عارفه شو اسوي ومابا اتسرع

ادعولي بالصحه خواتي ,, ولكم بالمثل ان شاء الله وتسلمون على وقتكم

الف شكر على مروركن

و ادعيلي

المشاركة الأصلية كتبت بواسطة قلبي يسلم عليك

هلا اختي

موضوعج وايد لفتني لني اعاني شراتج بس الفرق اني مب حامل

الي فيج اسمه ديرمويد يعني هو كيس دهن و شعر و غيره

انا الي عندي صغر و الحين بدا يكبر ..الحمل ممكن يكبره و قالولي اشيله قبل لا يصير حمل و اتعب منه لنه ممكن يصير تدخل جراحي اذا كبر و لف عالمبيض

بس ان شاء الله مايكبر في حالتج انصحج تسيرين عند دكتورة عليا المنصوري خليها تتابع حالتج لنه متخصصه فهالاشيا

بس ابتعدي عن الحركة السريعه و ارهاق النفس لنه مثل ماتعرفين هالكيس دهني يعني بسرعه يتحرك و ممكن يسبب لج الم

و ربج المستعان و ان شاء الله مايكبر و تشيلينه بعد الولادة

و ادعيلي

هلااا اختي مشكوووره على مروورج وعلى معلوماتج ,, وصح جي قالولي فالمستشفى ,, ويكبر كل مايكبر البيبي

بس وين هذي عليا المنصوري ؟ فالعين ؟.. دليني على مكانها لانهم قالولي كل ماتحسين بألم تعالي الطواري ومايخلصني افزع كل مره عندهم واقعد يوم كامل على بس صوره ,,

الله يوفقج ياختي وين ماتكونين ويرزقج على قد نيتج في مايرضي الله ^^