**** الدكتوره نوال الخالدي . والعمليه القيصريه .**** بليز ابا ردوووود

انا اتابع عند الدكتوره نوال الخالدي في مستشفى الامارات في بوظبي …. وعندي 3 عيال كلهم يبتهم طبيعي الحمدالله ……. والحين بحملي الرابع قررت الدكتوره علي عمليه قيصريه لاسباب معينه ………وانا اوافقها الراي …… بس( ييينا عند مربط الفرس) ………
بتسويلي العمليه في مستشفى النور وقالتلي اي فرع تبين ما عندها مشكله
وبغيت اعرف حد مسوي عندها عمليه قيصريه في النور ……… وشو اهتمامهم فيج بعد العمليه ……واهتمامهم في البيبي …. خاصه اذا كان في اول التاسع ……….
كيف هي غرفهم ….. احجز العادي ولا الفي اي بي ………. ولا اربي في النور القديم يقولون غرفهم اكبر وعندهم حاضنه للاطفال القصر ……….

بنات والله محتاجه رايكم ……………….والي عندها تجربه تفيدني …. والكم دعوه ومن الخاطر