شو الفرق بين الولاده الاولى والثانيه

السلام علييييكم ورحمة الله وبركاته

شخباركن يا امهات ويا كروشات

طبعا السؤال حق الي مربيه اكثر عن مره

قولن لنا تجاربكن عن الولاده الاولى والثانيه والثالث…….

وشو الفرق امبينهن من كل النواااحي طبعا ^^

ممم الولاده الاولى بالنسبه لي كانت عذاب وطولت وايد لانه البجر يعني الطلق ياني ساعه 7 الفير وتميت في الطلق لين 9 بالليل اكثر من 10 ساعات و9 ونص ربيت صح ربيت بسرعه بس الالم فظيع …ونسيت اقول كان في خياطه

اما الولاده الثانيه ياني الويع الظهر وتميت لين 3 بالليل في الطلق وكان طلق خفيف مب قوي اهون عن البجر وعلى 4 الفير ربيت وماشا الله سهله وايد الولاده وماتعذبت فيها لانه المنطقه توسعت والحوض اوسع عن البجر …ومافي خياطه الحمدلله

الثالث خلال هالاسبوعين باذن الله ويالسه احاتي والله >_<

ادعولي قاعده اتريا على احر من الجمر ابا افتك وخلاف بخبرج كيف كانت

بالنسبه لي البجر كان اسهل ولاده وبعدين الثاني كان شوي اصعب والثالث اللي هيه بنت كانت اصعب والرابع خلال هاليومين باذن الله تعالى

ربي يسهل ع الجميع يارب

التساهيل بيد رب العالمين

انا يبت اولاد وكلهم نفس الشي
الاول ياني الويع المغرب وربيت 12 فليل
والثاني من 1 فليل وربيت 9 الصبح

بس انا ابا اعرف الفرق بين ولاده الولد والبنت

بالنسبة لي الولادة الأولى ما تنطرى صدق هلكت فيها , تميت أتويع 12 ساعة بسبة ان الطلق كان حار بس الرحم ما كان يفتح – طبعا كان فيه قص وخياطة لان حجم البيبي كان كبير

الولادة الثانية كانت الحمدلله أسهل وما طولت يمكن أقل من 5ساعات خذ الويع مع الولادة – ما كان فيه لا قص ولا خياطة

الولادة الثالثة الله أعلم الحين أنا في بداية التاسع ادعيلي الله يسهلها علي

بالنسبة لي الولادة الأولى كانت متعبة تميت 12 ساعة أتويع مع طلق حار بس الرحم ما كان يفتح – طبعا كان فيه قص وخياطة لان حجم البيبي كان كبير

الولاة الثانية كانت أسهل الحمدلله ربيت في أقل من 5 ساعات مع طلق حار – لا كان فيه قص ولا خياطة

الولادة الثالثة الله وأعلم انشاءالله اتكون اسهل وحدة ادعيلي خخخخخخ

اترك تعليقاً

شو الفرق بين الولاده الاولى والثانيه

اترك تعليقاً إلغاء الرد