تجمع بنات اللي مسدوده عندهم قنوات فالوب ان شاء الله الله يرزقنا بالذريه الصالحه

السلام عليكم

حبيت افتح ها الموضوع عشان نتناقش فيه دايما بخصوص انسداد قنوات فالوب

وشو الحل

وهل في حد حاول وحمل

امممم انا بقولكم انا اول ما عرست الحمدلله حملت وربيت بس بعمليه واعتقد هيه سبب انسداد الانبوب عندي والله اعلم

المهم ما كنت ادري كنت اكل حبوب منع الحمل لمده سنه ونص ووقفت قلت ابا احمل

ومن وقفت ها الحبوب يتني حساسيه في جسمي اعاني منها لين اليوم وحاولت احمل ما فيه فايده سويت كل الفحوصات قالوليً كله زين الحمدلله واخر شي سويت فحص الصبغه وقالولي عندي انبوب واحد مسكر والثاني مفتوح يعني في امل احمل بنسبه 50 ٪ وكلت حبوب تنشيط زادت عليه الحساسيه

والله اريد احمل احس كل ما يسالوني الناس ما تبين اخو لولدج اتضيق شسوي خاطري في عيال العمر يمر والايام تعدي وكل يوم محسوب علينا للعلم الحين عمر ولديه اربع سنين الله يحفظه وانا صارلي سنتين ونص وانا احاول بس مافي فايده

اللي مرت بنفس تجربتي تفيدنا الله يجزيها الخير انشالله

واللي تعرف عيادات في الامارات زينه ولا في العين تفيدنا

الله يرزكم ويرزق كل محرومه انشالله بتؤم

افا زعلتوني ليش مافي تفاعل

هلا ختيه

انا حملت مرتين خارج الرحم والسبب انسداد الانبوب

وللحينج ما عندي عيال كملت سنة ونص من عرست وفخاطري ياهل ..

انا ناوية باذن الله اخفف وزني واعالج الانابيب وربج كريم

ربي يرزقج أخو ولا اخت لولدج ..

خواتي الحجامه الجافه وايد يمدحونها وخذوا عشبة المدينه في فترة الدوره تفتح الانسداد وتنظف الرحم

وبعد الدوره خذن مرقدوش ومراميه لتنشيط التبويض واستمرن عليها وإن شاء الله الله يرزقكن ويرزقني

للرفع

انا الحجامه ماقد سويتها بصراحه اخاف اسويها احس انها تعور

شو عشبة المدينه ومرقدوش والمراميه ما عندي فكره عنهن بصراحه