نصيحه للحامل والمرضع اذا تحجر صدرك شو تسوين؟؟؟

اشحالكم.. انشالله مرتاحين..

حبيت افيدكم لاني دايما امر بهالمأساه ..

عزيزتي الحامل انتبهي عشان لو صارلج في يوم هالموقف تعرفين كيف تتصرفين.

وبعد عزيزتي المرضع اذا البيبي من النوع اللي يرقد ورضاعته خفيفه راح يمتلي صدرج حليب..

ويتحجر وبتحسين بألم وممكن تيلج حمى .. فشو ممكن تسوين عشان تتداركين هالموقف..

مافي داعي تصحين البيبي لأنه حتى لو صحى بيرضع قطرتين وبينام

يعني ما في فايده..

لما ترورحي تتسبحين سلطي الرشاش على صدرج ولازم يكون ماي دافي وحاولي تشفطين صدرج عشان الحليب يخف ..

ثاني شي بعد كنت اعاني منه وانا ارضع..

اييب البيبي حذالي وارضعه وانا على جنب.. فشو يستوي ؟؟؟

يرضع البيبي بشكل غلط.. بعد فتره احس بألم فظيع في الجنب الايمن اوالايسر من الذراع وتشنج في صدري..وبعد جتني حمى..

لدرجة اني ما اقدر ارضع البيبي ولا اقدر انام. على جنبي اللي يعورني. في هالحاله شو تسوين يا حلوه..

تروحين تتسبحين وتشيلين معاج مشط اسنانه متراصه وسلطي الرشاش الدافئ على صدرج

وبدا بتسريح صدرك من الخارج الى الداخل باتجاه الحلمه.. استمري 10 دقائق. وفي اليوم تسبحي مرتين او ثلاث واستخدمي المشط في كل مره..

حتى يخف تمام يحتاج يومين الى ثلاث ايام..

طبعا هالطريقة قالتلي اياها الوالهد الله يحفظها جربوها وما بتحتاجون للطبيب..

اتمنى اني افدتكم.